തിരുവനന്തപുരം: നിലവിലുള്ള സാഹചര്യങ്ങൾ കണക്കിലെടുത്ത് സ്ത്രീകൾക്കും കുട്ടികൾക്കുമെതിരായ കു​റ്റകൃത്യങ്ങൾ സംബന്ധിച്ച കേസുകൾ വിചാരണ ചെയ്യുന്നതിന് പ്രത്യേക കോടതികൾ ആരംഭിക്കുന്നതിനാണ് സർക്കാർ പ്രധാന്യം നൽകുന്നതെന്ന് മുഖ്യമന്ത്റി പിണറായി വിജയൻ നിയമസഭയിൽ പറഞ്ഞു. പുതിയ കോടതികൾ ആരംഭിക്കുന്നതിന് സർക്കാർ നിലവിൽ തീരുമാനമെടുത്തിട്ടില്ല. പുതിയ കോടതികൾ സ്ഥാപിക്കുന്നതിനുള്ള മുൻഗണനാ പട്ടികയിൽ മൂന്നാമതായി വടക്കാഞ്ചേരി സബ്‌ കോടതിയുണ്ടെന്നും സേവ്യർ ചി​റ്റിലപ്പിള്ളിയുടെ സബ്മിഷന് മുഖ്യമന്ത്റി മറുപടി നൽകി.