കിളിമാനൂർ : കിളിമാനൂർ ബി.ആർ.സി പരിധിയിലെ പൊതു വിദ്യാലയങ്ങളിൽ പഠിക്കുന്ന പ്രത്യേക പരിഗണന അർഹിക്കുന്ന കുട്ടികൾക്കായി ബി.ആർ.സി ഹാളിൽ മെഡിക്കൽ ക്യാമ്പ് സംഘടിപ്പിച്ചു. ക്യാമ്പ് ഒ.എസ്.അംബിക എം.എൽ.എ ഉദ്ഘാടനം ചെയ്തു.ചിറയിൻകീഴ് താലൂക്ക് ആശുപത്രി സൂപ്രണ്ട് ഡോ.ഷബ്ന ഡി.എസ് ചെയർമാനായും പീഡിയാട്രീഷ്യൻ ഡോ: അനസ്, ഇ.എൻ.ടി വിഭാഗം ഡോ:എൻ.സുൽഫി,പേരൂർക്കട മാനസികാരോഗ്യ കേന്ദ്രത്തിൽ നിന്ന് ഡോ:അനിജി,ഡോ. ശ്രീലാൽ, ഓർത്തോ വിഭാഗം ഡോ:ഹെലൻ ഡയാന ജോസഫ് എന്നീ വിദഗ്ദ്ധർ ക്യാമ്പിൽ കുട്ടികളെ പരിശോധിക്കുകയും അർഹരായ കുട്ടികൾക്ക് മെഡിക്കൽ ബോർഡ് സർട്ടിഫിക്കറ്റും യു.ഡി.ഐ.ഡി കാർഡും നൽകി. കിളിമാനൂർ ഗ്രാമപഞ്ചായത്ത് പ്രസിഡന്റ് റ്റി.ആർ മനോജ് അദ്ധ്യക്ഷത വഹിച്ചു.ജില്ലാ പ്രോഗ്രാം ഓഫീസർ ടി.എൽ. രശ്മി ക്യാമ്പ് പ്രവർത്തനം വിശദീകരിച്ചു.കിളിമാനൂർ ഗ്രാമ പഞ്ചായത്ത് ആരോഗ്യ വിദ്യാഭ്യാസ സ്ഥിരം സമിതി അദ്ധ്യക്ഷൻ കൊട്ടറ മോഹൻ കുമാർ, കിളിമാനൂർ ബ്ലോക്ക് പഞ്ചായത്തംഗം ജെ. സജികുമാർ,സി.ആർ.സി കോ ഓർഡിനേറ്റർ സ്മിത എന്നിവർ സംസാരിച്ചു. ബി.പി.സി സാബു .വി.ആർ സ്വാഗതവും സ്പെഷ്യൽ എഡ്യൂക്കേറ്റർ ലാലി .സി നന്ദിയും പറഞ്ഞു.