കല്ലമ്പലം:ജില്ലയിലെ ഏറ്റവും വലിയ പഞ്ചായത്തുകളിൽ ഒന്നായ നാവായിക്കുളം പഞ്ചായത്തിനെ വിഭജിച്ച് കുടവൂർ പഞ്ചായത്ത് രൂപീകരിക്കണമെന്ന് സി.പി.എം കുടവൂർ ലോക്കൽ സമ്മേളനം പ്രമേയത്തിലൂടെ ആവശ്യപ്പെട്ടു.മരുതിക്കുന്ന് തൗഫീക്ക് കോംപ്ലക്സിൽ നടന്ന സമ്മേളനം സി.പി.എം ജില്ലാകമ്മിറ്റിയം​ഗം മടവൂർ അനിൽ ഉദ്ഘാടനം ചെയ്തു. സാബു,മഹിത,അൽ അമീൻ എന്നിവരടങ്ങിയ പ്രസീഡിയം സമ്മേളനം നിയന്ത്രിച്ചു.എസ്. സുധീർ പ്രവർത്തന റിപ്പോർട്ട് അവതരിപ്പിച്ചു.സി.പി.എം ജില്ലാ സെക്രട്ടേറിയറ്റം​ഗം ആർ.രാമു,വി.ജോയി എം.എൽ.എ,ഏരിയാ സെക്രട്ടറി എസ്.ജയചന്ദ്രൻ,ജി.വിജയകുമാർ,ജി.രാജു,വത്സലകുമാർ,കെ.സുഭാഷ്, എം. ഷാജഹാൻ, ടി.എൻ വിജയൻ, വി.ബിനു, ഇ.ഷാജഹാൻ എന്നിവർ സംസാരിച്ചു. എസ്. സുധീർ സെക്രട്ടറിയായി പതിനഞ്ചം​ഗ ലോക്കൽ കമ്മിറ്റിയെ തിരഞ്ഞെടുത്തു.