ആറ്റിങ്ങൽ: കേരളകൗമുദിയുടെ 110 ാം വാർഷികത്തോടനുബന്ധിച്ച് കേരളകൗമുദിയും ആസ്‌പെയർ എൻട്രൻസ് കോച്ചിംഗ് സെന്ററും സംയുക്തമായി മുദാക്കൽ പഞ്ചായത്തിലെ കൊവിഡ് പ്രതിരോധ പ്രവർത്തകരായ ആശാ വർക്കർമാരെയും പ്രമുഖ വ്യക്തികളെയും ആദരിച്ചു. മുദാക്കൽ ചെമ്പൂര് കമ്മ്യൂണിറ്റി ഹാളിൽ നടന്ന യോഗം ബ്ലോക്ക് പഞ്ചായത്ത് പ്രസിഡന്റ് പി.സി. ജയശ്രീ ഉദ്ഘാടനം ചെയ്തു.
മുദാക്കൽ പഞ്ചായത്ത് പ്രസിഡന്റ് ചന്ദ്രബാബു അദ്ധ്യക്ഷത വഹിച്ചു. കേരളകൗമുദി യൂണിറ്റ് ചീഫ് എസ്. വിക്രമൻ മുഖ്യപ്രഭാഷണം നടത്തി. സിനിമാതാരം പ്രേംകുമാർ മുഖ്യാതിഥിയായിരുന്നു. ജില്ലാ പഞ്ചായത്ത് മെമ്പർ കെ. വേണുഗോപാലൻ നായർ, പഞ്ചായത്ത് അംഗം പൂവണത്തിന്മൂട് മണികണ്ഠൻ എന്നിവർ സംസാരിച്ചു.
ആശാവർക്കർമാരായ പ്രസന്ന, സുകേശിനി, വിനീത, സിന്ധു, തങ്കമണി, മീന, ജയകുമാരി, രത്നകുമാരി, രമണി, അനിതകുമാരി, മിനിമോൾ, സിന്ധു ഒ. ബീന, തങ്കമണി. കെ. സുഭദ്ര, ആശ. ഒ.എസ്, ബിന്ദു.വി, അനില. വി.കെ, ലേഖ, വസന്തകുമാരി, സന്ധ്യ. കെ.എസ്, രജനിമോൾ, ഷീല, ബേബി, ലിസ, ഷൈനി, രേഖ .എം.എസ്, ലില്ലികുമാരി, രജനി, ഷാനിഫ ബീവി, പദ്മകുമാരി, അനു, അനിത, ഗിരിജ എന്നിവരെയും മുദാക്കൽ കുടുംബാരോഗ്യ കേന്ദ്രം മെഡിക്കൽ ഓഫീസർ പി.ബി. പ്രദീപ്കുമാർ, ബാബാ ആശുപത്രി എം.ഡി ഡോ.ആർ. ബാബു, എസ്.എൻ.ഡി.പി യോഗം ഇടയ്ക്കോട് ശാഖാ പ്രസിഡന്റ് പ്രസന്നബാബു, ഗുരു സേവാസംഘം മെമ്പറും ജൈവ കർഷകനുമായ സുഭാഷ് ചന്ദ്രബാബു, ആസ്‌പെയർ എൻട്രൻസ് കോച്ചിംഗ് എം.ഡി അജയകുമാർ, എസ്.എൻ.ഡി.പി യൂണിയൻ തോട്ടവാരം ശാഖാ സെക്രട്ടറി അനിൽകുമാർ, ചെമ്പൂര് സർവീസ് കോ ഓപ്പറേറ്റീവ് ബാങ്ക് പ്രസിഡന്റ് കെ. ശശിധരൻ നായർ, മാനവസേവാ പ്രസിഡന്റ് പൊയ്‌കമുക്ക് ഹരി, സാമൂഹ്യ പ്രവർത്തകരായ സുരേഷ് ബാബു, ദീപക് രാജേന്ദ്രൻ എന്നിവരെയും ആദരിച്ചു. കേരളകൗമുദി ആറ്റിങ്ങൽ ലേഖകൻ വിജയൻ പാലാഴി സ്വാഗതവും കേരളകൗമുദി അസി. മാർക്കറ്റിംഗ് മാനേജർ ബി. സുധികുമാർ നന്ദിയും പറഞ്ഞു. ചടങ്ങിന് മുന്നോടിയായി വർക്കല നന്ദനം മ്യൂസിക്കിന്റെ ട്രാക്ക് ഗാനമേളയും നടന്നു.