തിരുവനന്തപുരം: പ്ലസ് വൺ ഒന്നാം സപ്ലിമെന്ററി അലോട്ട്‌മെന്റ് പ്രവേശനം നവംബർ 1,2,3 തീയതികളിൽ നടക്കും. ആകെ 94,390 അപേക്ഷകരാണുള്ളത്. വർദ്ധിപ്പിച്ച സീറ്റിലേക്ക് സ്‌കൂൾ, കോമ്പിനേഷൻ ട്രാൻസ്ഫറിനുള്ള അപേക്ഷകൾ നവംബർ 5, 6 തീയതികളിൽ സ്വീകരിച്ച്, 9ന് പ്രസിദ്ധീകരിച്ച്, അഡ്മിഷൻ 9നും 10 നും പൂർത്തീകരിക്കും.

നവംബർ 15ന് പ്ലസ്‌വൺ ക്ലാസുകൾ ആരംഭിക്കും. ആവശ്യമുള്ളപക്ഷം താത്കാലിക ബാച്ചുകൾ അനുവദിച്ച് രണ്ടാം സപ്ലിമെന്ററി അലോട്ട്‌മെന്റ് നവംബർ 17 ന് വിജ്ഞാപനം ചെയ്ത് അപേക്ഷകൾ നവംബർ 19 വരെ സ്വീകരിക്കും. പ്രവേശനം നവംബർ 22, 23, 24 തിയതികളിൽ പൂർത്തിയാക്കും.

പ്ലസ് വണ്ണിന് ചേരാൻ ആഗ്രഹിക്കുന്നവർക്ക് മതിയായ സീറ്റുകളുണ്ടെന്നും രക്ഷിതാക്കൾക്കും വിദ്യാർത്ഥികൾക്കും ആശങ്ക വേണ്ടെന്നും പൊതുവിദ്യാഭ്യാസമന്ത്രി വി. ശിവൻകുട്ടി അറിയിച്ചു.