മുടപുരം:കേന്ദ്ര സർക്കാരിന്റെ ജലശക്തി മന്ത്രാലയത്തിന്റെ കീഴിലുള്ള കുടിവെള്ള ശുചിത്വ വകുപ്പും സംസ്ഥാന തദ്ദേശസ്വയംഭരണ വകുപ്പും സംയുക്തമായി സംഘടിപ്പിച്ച ഗ്രാമീണ ശുചിത്വ സർവേയുടെ ചിറയിൻകീഴ് ബ്ലോക്കുതല പരിശീലനം ബ്ലോക്ക് പഞ്ചായത്ത് വൈസ് പ്രസിഡന്റ് അഡ്വ.എസ്.ഫിറോസ് ലാൽ ഉദ്ഘാടനം ചെയ്തു. ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ പി.മണികണ്ഠൻ,ആരോഗ്യ-വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ ജോസഫിൻ മാർട്ടിൻ,വനിതാ ക്ഷേമ ഓഫീസർ എസ്.ഡോൺ,ജനറൽ എക്സ്റ്റൻഷൻ ഓഫീസർ ഷജീറ, ഡോക്ടർ ശ്യാം.ജി.വോയിസ് എന്നിവർ സംസാരിച്ചു. ജോയിന്റ് ബി.ഡി.ഒ എസ്.ആർ.രാജീവ് ക്ലാസെടുത്തു.