തിരുവനന്തപുരം: സംസ്ഥാനത്ത് വർദ്ധിച്ചുവരുന്ന ആത്മഹത്യകൾ തടയുന്നതിന് വേണ്ടി ആത്മഹത്യാ പ്രവണതയുള്ളവർക്ക് ആവശ്യമായ കൗൺസലിംഗ് നൽകുന്നതിനായി ആരംഭിച്ച 'കാൾ കൂൾ" പദ്ധതിക്ക് തുടക്കമായി. ഒളിമ്പ്യൻ ചന്ദ്രശേഖർ മേനോൻ ട്രസ്റ്റിന്റെ സഹായത്തോടെയാണ് സൗജന്യ ടെലഫോൺ കൗൺസലിംഗ് സേവനമായ കാൾ കൂൾ പദ്ധതിക്ക് തുടക്കം കുറിച്ചത്. 8929800777 എന്ന നമ്പരിൽ ബന്ധപ്പെട്ടാൽ സൗജന്യമായി പ്രത്യേക പരിശീലനം ലഭിച്ച സൈക്കോളജിസ്റ്റിന്റെ സേവനം ലഭ്യമാകും. തിരുവനന്തപുരം മാനസികാരോഗ്യ കേന്ദ്രം സൂപ്രണ്ടായിരുന്ന ഡോ. അബ്ദുൽ ബാരിയാണ് പദ്ധതിക്ക് സാങ്കേതിക നേതൃത്വം നൽകുന്നത്. അദ്ദേഹത്തോടൊപ്പം തിരുവനന്തപുരം മാനസികാരോഗ്യ കേന്ദ്രത്തിലെ മനോരോഗ വിദഗ്ദ്ധൻ ഡോ. സാഗർ തങ്കച്ചനും പദ്ധതിയുടെ ഉപദേഷ്ടാവാണ്. മറ്റ് ഭാരവാഹികളായ ഡോ. സൽമാൻ (ടീം ലീഡ്), ഒമർ ഷരീഫ് (കോഓർഡിനേറ്റർ), ബീന (ക്ലിനിക്കൽ സൈക്കോളജിറ്റ്), നിതിൻ (സൈക്കോളജിസ്റ്റ്), ഗ്രീമ (സൈക്കോളജിസ്റ്റ്), നവ്യ (സൈക്കോളജിസ്റ്റ്) എന്നിവരാണ് പ്രവർത്തനങ്ങൾക്ക് നേതൃത്വം നൽകുന്നത്.