കൽപ്പറ്റ: ജില്ലയിൽ ഇന്നലെ 366 പേർക്ക് കൊവിഡ് സ്ഥിരീകരിച്ചപ്പോൾ ടെസ്റ്റ് പോസിറ്റിവിറ്റി നിരക്ക് 14.51 ശതമാനം. 4 ആരോഗ്യ പ്രവർത്തകർ ഉൾപ്പെടെ എല്ലാവർക്കും സമ്പർക്കത്തിലൂടെയാണ് രോഗബാധ. 674 പേർ രോഗമുക്തി നേടി.
നിലവിൽ 4668 പേരാണ് ചികിത്സയിലുള്ളതെന്ന് ജില്ലാ മെഡിക്കൽ ഓഫീസർ ഡോ.ആർ.രേണുക പറഞ്ഞു. ഇവരിൽ 3959 പേരും വീടുകളിലാണ് ഐസൊലേഷനിൽ കഴിയുന്നത്. ഇതുവരെ ജില്ലയിൽ കൊവിഡ് സ്ഥിരീകരിച്ചവരുടെ എണ്ണം 1,18,093 ആയി. രോഗമുക്തരായത് 1,12,603 പേരാണ്.

സമ്പർക്കം

ബത്തേരി 40, പുൽപ്പള്ളി 32, കൽപ്പറ്റ, മീനങ്ങാടി 26 വീതം, പനമരം 22, മാനന്തവാടി, നൂൽപ്പുഴ 20 വീതം, തൊണ്ടർനാട് 18, അമ്പലവയൽ 16, പൂതാടി, വെള്ളമുണ്ട 15 വീതം, തവിഞ്ഞാൽ 14, മുട്ടിൽ 13, കോട്ടത്തറ, നെൻമേനി 12 വീതം, തിരുനെല്ലി 11, പൊഴുതന 10, ഇടവക, മേപ്പാടി 9 വീതം, വൈത്തിരി 8, മുള്ളൻകൊല്ലി 6, കണിയാമ്പറ്റ 5, തരിയോട് 4, വെങ്ങപ്പള്ളി 2, പടിഞ്ഞാറത്തറ 1.

 നിരീക്ഷണത്തിൽ 885 പേർ

ഇന്നലെ 885 പേരാണ് നിരീക്ഷണത്തിലായത്. ഇവരിൽ 33 പേർ ആശുപത്രിയിലാണ്. 617 പേർ നിരീക്ഷണകാലം പൂർത്തിയാക്കി. നിലവിൽ നിരീക്ഷണത്തിലുള്ളത് 14,887 പേരാണ്.

കഴിഞ്ഞ 24 മണിക്കൂറിനിടെ 1950 സാമ്പിളുകളാണ് പരിശോധനയ്ക്ക് അയച്ചത്. ഇതുവരെ 7,90,927 സാമ്പിളുകൾ പരിശോധനയ്ക്ക് വിട്ടതിൽ 7,87,201 എണ്ണത്തിന്റെ ഫലം ലഭിച്ചു. 6,69,108 പേർ നെഗറ്റീവും 1,18,093 പേർ പോസിറ്റീവുമായി.