കൽപ്പറ്റ: ജില്ലയിൽ ഇന്നലെ 311 പേർക്ക് കൊവിഡ് സ്ഥിരീകരിച്ചപ്പോൾ ടെസ്റ്റ് പോസിറ്റിവിറ്റി നിരക്ക് 13.74 ശതമാനം. ഒരു ആരോഗ്യ പ്രവർത്തക ഉൾപ്പെടെ 310 പേർക്ക് സമ്പർക്കത്തിലൂടെയാണ് രോഗബാധ. 357 പേർ രോഗമുക്തി നേടി.

നിലവിൽ 2562 പേരാണ് ജില്ലയിൽ ചികിത്സയിലുള്ളതെന്ന് ഡി.എം.ഒ ഡോ.ആർ.രേണുക പറഞ്ഞു. ഇവരിൽ 2412 പേർ വീടുകളിലാണ് ഐസൊലേഷനിൽ കഴിയുന്നത്. ജില്ലയിൽ ഇതുവരെ കൊവിഡ് സ്ഥിരീകരിച്ചവരുടെ എണ്ണം 1,23,908 ആയി. 1,20,535 പേർ രോഗമുക്തരായി.

 സമ്പർക്കം

മാനന്തവാടി 27 , കൽപ്പറ്റ , പടിഞ്ഞാറത്തറ 26 വീതം , ബത്തേരി 25 , പനമരം 23 , മീനങ്ങാടി 22 , മുട്ടിൽ 17 , കോട്ടത്തറ 16 , മേപ്പാടി , മുള്ളൻ കൊല്ലി 15 വീതം , പുൽപ്പള്ളി , വെള്ളമുണ്ട 14 വീതം , എടവക , വൈത്തിരി 10 വീതം , പൂതാടി 9 , അമ്പലവയൽ 7 , മൂപ്പൈനാട് 6 , കണിയാമ്പറ്റ 5 , നെന്മേനി , തവിഞ്ഞാൽ , തൊണ്ടർനാട് 4 വീതം , പൊഴുതന , തരിയോട് 3 വീതം , നൂൽപ്പുഴ , തിരുനെല്ലി 2 വീതം , വെങ്ങപ്പള്ളി 1.

 നിരീക്ഷണത്തിൽ 703 പേർ

ഇന്നലെ 703 പേരാണ് നിരീക്ഷണത്തിലായത്. ഇവരിൽ 19 പേർ ആശുപത്രിയിലാണ്. 827 പേർ നിരീക്ഷണകാലം പൂർത്തിയാക്കി. നിലവിൽ നിരീക്ഷണത്തിലുള്ളത് 7532 പേർ.

കഴിഞ്ഞ 24 മണിക്കൂറിനിടെ 1476 സാമ്പിളുകളാണ് പരിശോധനയ്ക്ക് അയച്ചത്. ഇതുവരെ 8,23,686 സാമ്പിളുകളാണ് പരിശോധനയ്ക്ക് അയച്ചത്. ഇതിൽ 8,23,219 എണ്ണത്തിന്റെ ഫലം ലഭിച്ചു. 6,99,311 പേർ നെഗറ്റീവും 1,23,908 പേർ പോസിറ്റീവുമായി.