പൂച്ചാക്കൽ :വേമ്പനാട്ട് കായൽ കൈയേറ്റം നടത്തുന്നവർക്കും മാലിന്യം തള്ളുന്നവർക്കും എതിരെ സർക്കാർ ശക്തമായ നടപടികൾ സ്വീകരിക്കണമെന്ന് മത്സ്യത്തൊഴിലാളി ഫെഡറേഷൻ (എ.ഐ.റ്റി.യു.സി) സംസ്ഥാന സെക്രട്ടറി ആർ.പ്രസാദ് ആവശ്യപ്പെട്ടു. വേമ്പനാട്ട് കായൽ സംരക്ഷണ ജലജാഥയുടെ സ്വീകരണ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. കെ.എസ് രാജേന്ദ്രൻ അദ്ധ്യക്ഷത വഹിച്ചു. ബി.ഷിബു സ്വാഗതം പറഞ്ഞു. എലിസബത്ത് അസീസി, വി.സി മധു, കെ.കെ പ്രഭാകരൻ, ഇ.എം സന്തോഷ് കുമാർ, കെ.ജെ സജീവ്, ഡി.അനിൽ, ആർ.രാജേഷ്, കെ.പി വിശ്വംഭരൻ, വി. വിനോദ്, ഷിൽജാസലിം, എൻ.കെ. ജനാർദ്ദനൻ, നിഷ.എസ്.രാജ്, തുടങ്ങിയവർ സംസാരിച്ചു. റ്റി.രഘുവരൻ, എം.കെ ഉത്തമൻ, ഡി. ബാബു എന്നിവർ ജാഥ നയിച്ചു.