ചേർത്തല: ഇന്ത്യൻ ആർമിയുടെ ഭാഗമായ മദ്റാസ് റെജിമെന്റ് 263- റൈസിംഗ് ഡേയുടെ ഭാഗമായി സംഘടിപ്പിച്ച ബൈക്ക് റാലിക്ക് വിമുക്തഭടൻമാരും നാട്ടുകാരും ചേർന്ന് സ്വീകരണംനൽകി. ജമ്മുവിൽനിന്ന് പുറപ്പെട്ട് തിരുവനന്തപുരത്തേക്കുള്ള റാലിയാണ് ചേർത്തലയിലൂടെ കടന്നുപോയത്. സൈനികരെ പൂമാല അണിയിച്ചാണ് വരവേ​റ്റത്. തങ്കി കവലയിലെ സ്വീകരണയോഗത്തിൽ ബ്രിഗേഡിയർ ടി. രാധാകൃഷ്ണൻ, റിട്ട. കേണൽ ആന്റണി, കേണൽ തോമസ്, സുബേദാർ ഉണ്ണിക്കൃഷ്ണൻ, രമേശൻ എന്നിവരും റാലിയിൽ പങ്കെടുക്കുന്ന കേണൽ വികാസ് സിംഗ്, കേണൽ ഹേമന്ദ്‌രാജ്, മേജർ ഇർഫാൻ ഹുദ എന്നിവരും സംസാരിച്ചു. മുതിർന്ന വിമുക്തഭടൻമാരെയും ആദരിച്ചു.