മാരാരിക്കുളം: ആര്യാട് പഞ്ചായത്തിന് കീഴിലെ ബഡ്സ് സ്കൂൾ പ്രവേശനോത്സവം ആര്യാട് ബ്ലോക്ക് പഞ്ചായത്ത് പ്രസിഡന്റ് കെ.ഡി. മഹീന്ദ്രൻ ഉദ്ഘാടനം ചെയ്തു. പഞ്ചായത്ത് പ്രസിഡന്റ് ജി. ബിജുമോൻ അദ്ധ്യക്ഷനായി. പഞ്ചായത്ത് വൈസ് പ്രസിഡന്റ് ഷീന സനൽകുമാർ, സ്റ്റാൻഡിംഗ് കമ്മിറ്റി ചെയർമാൻ ബിപിൻ രാജ്, സന്തോഷ് ലാൽ, അശ്വനി, വാർഡ് മെമ്പർ കവിത ഹരിദാസ്, പഞ്ചായത്ത് സെക്രട്ടറി ആർ. സംഗീത, അസി. സെക്രട്ടറി സുജാത എന്നിവർ സംസാരിച്ചു. ബഡ്സ് സ്കൂൾ കുട്ടികൾക്ക് വിവിധ വിനോദോപകരണങ്ങൾ കൈമാറി. വിവിധ കലാ പരിപാടികളും നടന്നു.