ആലപ്പുഴ: സാമൂഹ്യനീതി വകുപ്പിന്റെ നേതൃത്വത്തിൽ അന്താരാഷ്ട്ര ഭിന്നശേഷി ദിനാചരണം നടത്തി. ഉണർവ് 2021 എന്ന പേരിൽ നടത്തിയ പരിപാടിയുടെ ജില്ലാതല ഉദ്ഘാടനം ടൗൺ ഹാളിൽ ജില്ലാ പഞ്ചായത്ത് പ്രസിഡന്റ് കെ.ജി. രാജേശ്വരി നിർവഹിച്ചു. വിവിധ മേഖലകളിൽ മികവ് പുലർത്തിയ ഭിന്നശേഷിക്കാരെ ആദരിച്ച ചടങ്ങിൽ മത്സര വിജയികൾക്ക് സമ്മാനങ്ങൾ വിതരണം ചെയ്തു. സെമിനാറും കുട്ടികളുടെ കലാപരിപാടികളും നടന്നു. ജില്ലാ പഞ്ചായത്ത് ക്ഷേമകാര്യ സ്ഥിരം സമിതി അദ്ധ്യക്ഷൻ ടി.എസ്. താഹ, ജില്ലാ വനിതാ - ശിശുവികസന ഓഫീസർ എൽ. ഷീബ, മാസ് മീഡിയ ഓഫീസർ പി.എസ്. സുജ, ജില്ലാ സാമൂഹ്യനീതി ഓഫീസർ ഒ.എ. അബീൻ, എസ്.എസ്.കെ ജില്ലാ പ്രോഗ്രാം ഓഫീസർ പി.എ. സിന്ധു, എൽ.എൽ.സി കൺവീനർ ടി.ടി. രാജപ്പൻ, ജില്ലാ പ്രൊബേഷൻ ഓഫീസർ എസ്. ഷാജഹാൻ തുടങ്ങിയവർ പങ്കെടുത്തു.