ചേർത്തല:നഗരത്തിൽ മാലപൊട്ടിക്കാനുള്ള ശ്രമം തടയുന്നതിനിടെ വീട്ടമ്മയ്ക്ക് വീണ് പരിക്കേറ്റു. ചേർത്തല കു​റ്റിക്കാട്ട് കൊച്ചുചിറയിൽ ജോണിച്ചന്റെ ഭാര്യ റിമിലക്കാണ് പരിക്കേ​റ്റത്.അർത്തുങ്കൽ ബൈപ്പാസിന് പടിഞ്ഞാറ് ഇന്നലെ സന്ധ്യയോടെയായിരുന്നു സംഭവം. കെ.വി.എം ട്രസ്​റ്റ് ജീവനക്കാരിയായ റിമില ജോലി കഴിഞ്ഞ്
സ്‌കൂട്ടറിൽ വീട്ടിലേയ്ക്ക് പോകുമ്പോൾ സ്‌കൂട്ടറിൽ പിന്തുടർന്ന യുവാവാണ് മാല പൊട്ടിക്കാൻ ശ്രമിച്ചതെന്ന് റിമില പറഞ്ഞു. റിമില നിലത്തു വീണതോടെ മോഷ്ടാവ് രക്ഷപ്പെട്ടു.മാല നഷ്ടമായില്ല. മുഖത്തും കാലിലും പരുക്കേ​റ്റ റിമില ചേർത്തല താലൂക്ക് ആശുപത്രിയിൽ ചികിത്സ തേടി. ചേർത്തല പൊലീസ് അന്വേഷണം ആരംഭിച്ചു.