കായംകുളം : എസ്.എൻ.ഡി.പി യോഗം ജനറൽ സെക്രട്ടറി ,എസ്.എൻ. ട്രസ്റ്റ് സെക്രട്ടറി പദവികളിൽ വെള്ളാപ്പള്ളി നടേശൻ കാൽനൂറ്റാണ്ട് പൂർത്തിയാക്കിയതിന്റെ ഭാഗമായി കായംകുളം യൂണിയനിൽ ഒരു വർഷം നീളുന്ന സാമൂഹ്യ,ക്ഷേമ പ്രവർത്തനങ്ങൾക്ക് ഇന്നു തുടക്കം കുറിക്കും.

ഉച്ചയ്ക്ക് 2 ന് കായംകുളം യൂണിയൻ ഹാളിൽ ചേരുന്ന യോഗത്തിൽ പ്രസിഡന്റ് വി.ചന്ദ്രദാസ് അദ്ധ്യക്ഷത വഹിക്കും. രജതജൂബിലി സമ്മേളനം ജില്ലാ പഞ്ചായത്ത് വൈസ് പ്രസിഡന്റ് വിപിൻ.സി.ബാബു ഉദ്ഘാടനം ചെയ്യും.

രജതജൂബിലി ആഘോഷത്തോടനുബന്ധിച്ച് നടത്തുന്ന സാമൂഹ്യ ക്ഷേമ പദ്ധതികളുടെ ഭാഗമായി കായംകുളം ശ്രീനാരായണ സാംസ്കാരിക സമിതിയുടെ നേതൃത്വത്തിലുള്ള എസ് എൻ . സെൻട്രൽ സ്കൂൾ,എസ്.എൻ. വിദ്യാപീഠം, എസ് .എൻ . ഇന്റർനാഷണൽ മോഡൽ സ്കൂൾ എന്നീ വിദ്യാലയങ്ങളിൽ ഇന്ന് മുതൽ അഡ്മിഷൻ നേടുന്ന വിദ്യാർഥികളിൽ സാമ്പത്തികമായി പിന്നാക്കം നിൽക്കുന്ന കുടുംബങ്ങളിൽ നിന്നുള്ളവർക്ക് തുടർച്ചയായി രണ്ടു വർഷം 30 ശതമാനം ഫീസ് ഇളവ് നൽകുന്ന പദ്ധതിയുടെ പ്രഖ്യാപനം യൂണിയൻ സെക്രട്ടറി പി.പ്രദീപ് ലാൽ നിർവ്വഹിക്കും.

യൂണിയൻ വൈസ് പ്രസിഡന്റ് കോലത്ത് ബാബു, ഡയറക്ടർ ബോർഡ് അംഗങ്ങളായ എസ്.ധനപാലൻ, എ. പ്രവീൺകുമാർ , മഠത്തിൽ ബിജു, യൂണിയൻ കൗൺസിലർമാരായ പനയ്ക്കൽ ദേവരാജൻ , മുനമ്പേൽ ബാബു, ജെ.സജിത്ത്കുമാർ, വിഷ്ണപ്രസാദ്, റ്റി.വി.രവി, എൻ. ദേവദാസ് ,എൻ. സദാനന്ദൻ, പി.എസ്. ബേബി, വനിതാ സംഘം ഭാരവാഹികളായ സുഷമ തങ്കപ്പൻ , ഭാസുര മോഹൻ ,സൗദാമിനിരാധാകൃഷ്ണൻ യൂത്ത്മൂവ്മെന്റ് ഭാരവാഹി വി.എസ് സോണി എന്നിവർ സംസാരിക്കും.