ചേർത്തല : ദേശീയ പാതയിൽ തങ്കി കവലയിൽ സൈക്കിൾ യാത്രികൻ വാഹനമിടിച്ചു മരിച്ചു. ഇടിച്ച വാഹനം നിറുത്താതെ പോയി. കടക്കരപ്പള്ളി ഗ്രാമപഞ്ചായത്ത് ഏഴാം വാർഡ് പാറക്കൽച്ചിറ വിശ്വപ്പൻപിള്ള (67) ആണ് മരിച്ചത്.ശനിയാഴ്ച രാവിലെ ആറോടെയായിരുന്നു അപകടം. പരിക്കേ​റ്റ വിശ്വപ്പൻപിള്ളയെ ആദ്യം ചേർത്തലയിലെ സ്വകാര്യ ആശുപത്രിയിലും തുടർന്ന് എറണാകുളത്തെ സ്വകാര്യ ആശുപത്രിയിലേക്കും പ്രവേശിപ്പിച്ചെങ്കിലും മരിച്ചു.
ഇടിച്ചവാഹനം കണ്ടെത്താൻ പൊലീസ് നടപടികൾ തുടങ്ങി. ഭാര്യ:ഉഷാദേവി. മക്കൾ:വിദ്യ,വിനയ.മരുമക്കൾ:സുജിത്ത് (ബഹറിൻ),അനൂപ്(രജിസ്‌ട്രേഷൻ വകുപ്പ്).