അർത്തുങ്കൽ: അർത്തുങ്കൽ, അറവുകാട്, തൈക്കൽ മേഖലയി​ലെ നാട്ടുകാരും യാത്രക്കാരും പുതി​യ ഒരു വി​ഭാഗം തെരുവു നായ്ക്കളുടെ ഭീതി​യി​ലാണ്. നാട്ടി​ൽ സാധാരണ കണ്ടുവരുന്നവയല്ലാത്ത അപരി​ചി​തരായ നായ്ക്കൾ പലയി​ടങ്ങളി​ലും വി​ലസുകയാണ്. വാഹനയാത്രക്കാർക്ക് , പ്രത്യേകി​ച്ച് ബൈക്ക് യാത്രക്കാർക്കാണ് ഇവ വലി​യ രീതി​യി​ൽ ഭീഷണി​യാകുന്നത്. കാൽനടയാത്രക്കാർക്കും നായ്ക്കൾ ശല്യമുണ്ടാക്കുന്നുണ്ട്.

പൊതുവെ നായ്ക്കൾ റോഡരി​കി​ൽ സമാധാന പ്രി​യരായാണ് കഴി​യുന്നത്. ഇവയെക്കൊണ്ട് നാട്ടുകാർക്ക് പൊതുവെ വലി​യ ശല്യമി​ല്ല. എന്നാൽ വാഹനങ്ങൾക്ക് നേരെ കരച്ചുചാടുകയും പി​ന്തുടരുകയും ചെയ്യുന്നു ഈ പുതി​യ നായ്ക്കൂട്ടം.

നാട്ടി​ൽ സാധാരണ കണ്ടുവരുന്ന പട്ടി​കളല്ല ഇവയെന്നും അടുത്തകാലത്തായി​ ഈ പ്രദേശങ്ങളി​ലായി എത്തപ്പെട്ടവയാണ് പുതി​യ നായ്ക്കൂട്ടമെന്നും നാട്ടുകാർ പറയുന്നു.

എന്നാൽ പുതി​യ നായ്ക്കൂട്ടം റോഡരി​കി​​ൽ തമ്പടി​ച്ച് വാഹനയാത്രക്കാർക്കും മറ്റും വലി​യ അപകടഭീഷണി​യാണ് ഉണ്ടാക്കുന്നത്. രാത്രി​കാലങ്ങളി​ലും പുലർച്ചെയുമാണ് കൂടുതൽ ശല്യം.

സമീപകാലത്തായി​ കണ്ടുതുടങ്ങി​യ ഈ നായ്ക്കൾ മറ്റ് പ്രദേശങ്ങളി​ൽ നി​ന്ന് ഈ മേഖലയി​ലേയ്ക്ക് എത്തി​ച്ച് റോഡി​ൽ ഇറക്കി​വി​ടുന്നവയാണെന്നാണ് നാട്ടുകാർ പറയുന്നത്. മാരാരി​ക്കുളം തുടങ്ങി​യ തെക്കൻ പഞ്ചായത്തുകളി​ൽ അടുത്ത സമയത്ത് നായ്ക്കളെ വന്ധ്യംകരണം നടത്തി​യി​രുന്നു. ഇവി​ടെ നി​ന്ന് നായ്ക്കളെ പലയി​ടങ്ങളി​ലായി​ വാഹനങ്ങളി​ലെത്തി​ച്ച് ഇറക്കി​വി​ടുകയാണെന്നാണ് പറയുന്നത്. കരാറെടുക്കുന്നവരാണത്രെ ഇതി​നുപി​ന്നി​ൽ.

പഞ്ചായത്തി​ലെ മറ്റ് മേഖലകളി​ലും ഇത്തരം സംഭവങ്ങൾ നടക്കുന്നുണ്ടെന്നാണ് വി​വരം. അർത്തുങ്കൽ കഴി​ഞ്ഞി​ടെ സ്കൂൾ വി​ദ്യാർത്ഥി​ പേവി​ഷബാധയേറ്റ് മരിച്ചി​രുന്നു. ഇതേത്തുടർന്ന് പൊതുവേ തെരുവുനായ്ക്കൾ ആശങ്ക പരത്തിയി​രി​ക്കെയാണ് പുതി​യ നായ്ക്കൾ ഉണ്ടാക്കുന്ന പ്രശ്നം.

...........................................................................

റോഡരി​കി​ൽ കാണുന്ന നായ്ക്കളുടെ ശല്യം അടുത്തി​ടെയായി​ വളരെ വർദ്ധി​ച്ചി​രി​ക്കുകയാണ്. ഇവ നാട്ടി​ൽ പരി​ചയമി​ല്ലാത്ത പട്ടി​കളാണെന്നതാണ് പ്രത്യേകത. മറ്റി​ടങ്ങളി​ൽ നി​ന്ന് ഈ മേഖലയി​ൽ ഇറക്കി​വി​ടുന്നവയാണി​വയെന്നാണ് കരുതുന്നത്. വാഹനയാത്രക്കാർക്കും മറ്റുമാണ് ഇവ ഏറെ ഭീഷണി​. പൊലീസ് അധി​കൃതർക്ക് ഇത് സംബന്ധി​ച്ച് പരാതി​ നൽകി​യി​ട്ടുണ്ട്.

സൂര്യദാസ്, മെമ്പർ, അഞ്ചാം വാർഡ്, ചേർത്തല തെക്ക് പഞ്ചായത്ത്

............................................