ആലപ്പുഴ: പുറക്കാട്, തകഴി എന്നിവിടങ്ങളിൽ താറാവുകൾ കൂട്ടത്തോടെ ചാകാൻ കാരണം എച്ച് 5 എൻ 1 ഇൻഫ്ലുവൻസ് ഇനത്തിൽപ്പെട്ട വൈറസുകളാണെന്ന് ഭോപ്പാലിലെ നാഷണൽ ഇൻസ്റ്റിട്ട്യൂട്ട് ഒഫ് ഹൈ സെക്യൂരിറ്റി അനിമൽ ഡിസീസിൽ സ്ഥിരീകരിച്ചതോടെ പ്രദേശത്തെ പക്ഷികളെ കൊല്ലാൻ (കള്ളിംഗ്) നടപടി തുടങ്ങി.

തകഴി ഗ്രാമപഞ്ചായത്ത് പത്താം വാർഡിൽ ഒരു കിലോമീറ്റർ ചുറ്റളവിലുള്ള 9,086 പക്ഷികളെ നശിപ്പിച്ചു. മേഖലയിൽ രോഗം ബാധിച്ച പക്ഷികളെ കണ്ടെത്താൻ മൃഗസംരക്ഷണ വകുപ്പിന്റെ റാപ്പിഡ് റെസ്‌പോൺസ് ടീം പരിശോധന തുടരുകയാണ്. പക്ഷികളുടെ തൂവലുകളും മറ്റ് അവിശിഷ്ടങ്ങളും നശിപ്പിക്കുന്നതിനും ക്രമീകരണം ഏർപ്പെടുത്തി.

രോഗബാധിത പ്രദേശത്തിന് ചുറ്റളവിലുള്ള താറാവ്, കോഴി, വളർത്തുപക്ഷികൾ, മുട്ടകൾ എന്നിവ നശിപ്പിച്ച ശേഷം അണുനശീകരണം നടത്തും. പ്രതിരോധ പ്രവർത്തനങ്ങൾക്ക് 30 അംഗ ടീമിനെയാണ് നിയോഗിച്ചിരിക്കുന്നത്.

 ​ക​ണ്ടെ​യ്ൻ​മെ​ന്റ് ​സോ​ണാ​ക്കി

പ​ക്ഷി​പ്പ​നി​ ​സ്ഥി​രീ​ക​രി​ച്ച​ ​പ്ര​ദേ​ശ​ങ്ങ​ളെ​ ​ജി​ല്ലാ​ ​ക​ള​ക്ട​ർ​ ​ക​ണ്ടെ​യ്ൻ​മെ​ന്റ് ​സോ​ണാ​യി​ ​പ്ര​ഖ്യാ​പി​ച്ചു. ച​മ്പ​ക്കു​ളം,​ ​നെ​ടു​മു​ടി,​ ​മു​ട്ടാ​ർ,​ ​വീ​യ​പു​രം,​ ​ക​രു​വാ​റ്റ,​ ​തൃ​ക്കു​ന്ന​പ്പു​ഴ,​ ​ത​ക​ഴി,​ ​പു​റ​ക്കാ​ട്,​ ​അ​മ്പ​ല​പ്പു​ഴ​ ​തെ​ക്ക്,​ ​അ​മ്പ​ല​പ്പു​ഴ​ ​വ​ട​ക്ക്,​ ​എ​ട​ത്വാ പ​ഞ്ചാ​യ​ത്തു​ക​ൾ,​ ഹ​രി​പ്പാ​ട് ന​ഗ​ര​സ​ഭ​ എന്നിവിടങ്ങളിലാണ് നിയന്ത്രണം. ഇ​വി​ടേക്കും പു​റ​ത്തേ​ക്കും​ ​ആ​ളു​ക​ളു​ടെ​യും​ ​വാ​ഹ​ന​ങ്ങ​ളു​ടെ​യും​ ​സ​ഞ്ചാ​രം​ ​നി​രോ​ധി​ച്ചു.

'രോഗം റിപ്പോർട്ട് ചെയ്ത പ്രദേശത്തിന് ഒരു കിലോമീറ്റർ ചുറ്റളവിലുള്ള എല്ലാ പക്ഷികളെയും കൊല്ലുന്നുണ്ട്. ഇന്നും നാളെയും നിരീക്ഷണം തുടരും. നിരവധി സാമ്പിളുകളുടെ ഫലം ലഭിക്കാനുണ്ട്".

- ഡോ. എ.ജി. ജിയോ,

ജില്ലാ മൃഗസംരക്ഷണ വകുപ്പ് ഓഫീസർ