ആലപ്പുഴ: ഹെലികോപ്റ്റർ അപകടത്തിൽ വീരമൃത്യുവരിച്ച സംയുക്ത സൈന്യാധിപൻ ജനറൽ ബിപിൻ റാവത്ത്, ഭാര്യ മധുലിക റാവത്ത്, മറ്റ് ധീരജവാന്മാർ എന്നിവരുടെ അന്ത്യകർമ്മങ്ങൾ നടക്കുന്ന സമയത്ത് അവരുടെ ദേഹവിയോഗത്തിൽ ആലപ്പുഴ നഗരസഭ ആദരാഞ്ജലികൾ അർപ്പിച്ചു. നഗരസഭാ അങ്കണത്തിൽ 'ധീര ജവാന്മാർക്ക് ചെമ്പനീർപ്പൂക്കൾ ' എന്ന പേരിൽ സംഘടിപ്പിച്ച ചടങ്ങിൽ നഗരസഭ അദ്ധ്യക്ഷ സൗമ്യാരാജ് ദീപ സമർപ്പണം നടത്തി. വൈസ് ചെയർമാൻ പി.എസ്.എം ഹുസൈൻ, സ്ഥിരം സമിതി അദ്ധ്യക്ഷരായ ബിന്ദു തോമസ്, എ. ഷാനവാസ്, കക്ഷിനേതാക്കളായ ഡി.പി. മധു, സലിം മുല്ലാത്ത്, ഹെൽത്ത് ഓഫീസർ കെ.പി. വർഗീസ്,​ ജീവനക്കാരുടെ പ്രതിനിധികളായ സിക്സ്റ്റസ് പ്രിൻസ്, ഗിരീഷ് എന്നിവർ ദീപം തെളിച്ചു. കൗൺസിലർമാരും ജീവനക്കാരും പങ്കെടുത്തു.