ചേർത്തല: മാരാരിക്കുളം മഹാദേവ ക്ഷേത്രത്തിലെ തിരുവാതിര ഉത്സവം ഇന്ന് മുതൽ 20 വരെ നടക്കും. ദിവസവും മഹാദേവനും പാർവതി ദേവിക്കും കലശാഭിഷേകം, കൂടിയെഴുന്നള്ളിപ്പ്, എതിരേൽപ് താലപ്പൊലി, ഉമാമഹേശ്വര പുഷ്പാഞ്ജലി, തിരുവാതിരകളി എന്നിവയുണ്ടാവും. 19ന് മകയിരം ഉത്സവം. രാവിലെ കാവടി പൂജ, 8.30ന് സംഗീതകച്ചേരി, വൈകിട്ട് പുഷ്പാഭിഷേകം. വൈകിട്ട് മകരവിളക്ക്. 7.30ന് കാവടി, മഞ്ഞൾകുടം വരവ്, രാത്രി 8ന് തിരുവാതിരകളി. 20ന് തിരുവാതിര ഉത്സവം.
പുലർച്ചെ ആർദ്റാ ദർശനം, 7ന് കാവടി അഭിഷേകം, മഞ്ഞൾകുടം അഭിഷേകം, 10ന് ശതകലശപൂജ, കളഭംപൂജ. 10.30ന് സ്‌പെഷ്യൽ നാദസ്വരകച്ചേരി, 11ന് പാർവതി ദേവിക്ക് കലശാഭിഷേകം, 11.30ന് ശതകലശാഭിഷേകം, ഉച്ചയ്ക്ക് 12ന് കളഭാഭിഷേകം. 1ന് എട്ടങ്ങാടി പ്രസാദവിതരണം, വൈകിട്ട് 6ന് പുഷ്പാഭിഷേകം, 7ന് സംഗീതഭജന,​ രാത്രി 8ന് ആറ് ആനപ്പുറത്ത് എഴുന്നള്ളിപ്പ്. തുടർന്ന് സേവ.