ചേർത്തല: തെക്ക് പഞ്ചായത്ത് 12​-ാം വാർഡിൽ കൊല്ലപ്പറമ്പ് വീട്ടിൽ സതീഷിനെ (കുരുട് സതീഷ്,​ 30) കാപ്പ നിയമ പ്രകാരം അറസ്​റ്റ് ചെയ്തു. അർത്തുങ്കൽ, അരൂർ, മാരാരിക്കുളം പൊലീസ് സ്​റ്റേഷനുകളിലായി, കൊലപാതകം, വധശ്രമം, പിടിച്ചുപറി, ഭവനഭേദനം, ലഹള, അടിപിടി എന്നിവയ്ക്ക് 14 കേസുകൾ നിലവിലുണ്ട്. അർത്തുങ്കൽ പൊലീസ് ഇൻസ്‌പെക്ടർ പി.ജി. മധുവിന്റെ നേതൃത്വത്തിലുള്ള സംഘമാണ് അറസ്​റ്റ് ചെയ്തത്. സതീഷിനെ തിരുവനന്തപുരം പൂജപ്പുര സെൻട്രൽ ജയിലിലേയ്ക്ക് മാ​റ്റി. ജില്ലയിൽ ക്രമസമാധാന പ്രശ്‌നങ്ങൾ ഉണ്ടാക്കുന്നവരുടെ ലിസ്​റ്റ് തയ്യാറാക്കിയതായും സ്ഥിരം കു​റ്റവാളികൾക്കെതിരെ കാപ്പ നിയമപ്രകാരം നടപടി സ്വീകരിക്കുമെന്നും ജില്ലാ പൊലീസ് മേധാവി ജി. ജയ്‌ദേവ് പറഞ്ഞു.