ചേർത്തല:ട്രെയിനിൽ കയറുന്നതിനിടെ കാൽവഴുതി ട്രാക്കിൽ തലയടിച്ച് വീണയാൾ മരിച്ചു. ആലുവ കോമ്പാറ കാനപുരം കെ.കെ. മക്കാർ (74) ആണ് മരിച്ചത്. ഇന്നലെ വൈകിട്ട് മൂന്നരയോടെ ചേർത്തല റെയിൽവേ സ്റ്റേഷനിലെ രണ്ടാമത്തെ പ്ലാറ്റ്‌ഫോമിലായിരുന്നു അപകടം. ചേർത്തലയിൽ നിന്നും ആലുവയ്ക്കു പോകാൻ ആലപ്പുഴ-കണ്ണൂർ എക്‌സ്പ്രസിൽ കയറിയപ്പോൾ തലയടിച്ച് ട്രാക്കിൽ വീഴുകയായിരുന്നു .ചേർത്തല താലൂക്ക് ആശുപത്രിയിൽ എത്തിച്ചെങ്കിലും രക്ഷിക്കാനായില്ല. ട്രെയിൻ അരമണിക്കൂറോളം വൈകി. മൃതദേഹം ചേർത്തല താലൂക്ക് ആശുപത്രി മോർച്ചറിയിൽ .ഇന്ന് കൊവിഡ് പരിശോധനയ്ക്കും പോസ്റ്റ്‌മോർട്ടത്തിനും ശേഷം ബന്ധുക്കൾക്ക് വിട്ടു നൽകും. ഭാര്യ: പരേതയായ ഫാത്തിമ. മക്കൾ: ബീവിക്കുഞ്ഞ്, ആരിഫ, ശിഹാബ്, റഫീന, സജീന,ഫസീല. മരുമക്കൾ: റഫീഖ്,സാബു,സൈനബ,നജീബ്,നസീർ,റഫീഖ്.