ചെങ്ങന്നൂർ: എസ്.എൻ.ഡി.പി യോഗം ചെങ്ങന്നൂർ യൂണിയനിൽ പ്രീമാര്യേജ് കൗൺസലിംഗ് 18, 19 തീയതികളിൽ യൂണിയൻ ഓഫീസിലെ സരസകവി മൂലൂർ സ്മാരക ഹാളിൽ നടക്കും. എറണാകുളം മുക്തിഭവൻ കൗൺസിലിംഗ് സെന്ററിന്റെ സഹകരണത്തോടെയാണ് ക്ലാസുകൾ.18 ന് രാവിലെ 9ന് യൂണിയൻ അഡ്.കമ്മറ്റി അംഗം അനിൽ അമ്പാടിയുടെ അദ്ധ്യക്ഷതയിൽ ചേരുന്ന ചടങ്ങിൽ യൂണിയൻ ചെയർമാൻ എം.ബി.ശ്രീകുമാർ ഉദ്ഘാടനം നിർവ്വഹിക്കും. രാജേഷ് പൊന്മല, സുരേഷ് പരമേശ്വരൻ, ഷൈലജ രവീന്ദ്രൻ, കൊടുവഴങ്ങ ബാലകൃഷ്ണൻ, ഡോ.ശരത് ചന്ദ്രൻ എന്നിവർ രണ്ട് ദിവസങ്ങളിലായി ക്ലാസുകൾ നയിക്കും. 19ന് വൈകിട്ട് 4.30 ന് അഡ്.കമ്മറ്റി അംഗം കെ.ആർ.മോഹനന്റെ അദ്ധ്യക്ഷതയിൽ നടക്കുന്ന സമാപന സമ്മേളനത്തിൽ ക്ലാസുകളിൽ പങ്കെടുത്തവർക്കുള്ള സർട്ടിഫിക്കറ്റുകൾ യൂണിയൻ കൺവീനർ അനിൽ പി.ശ്രീരംഗം വിതരണം ചെയ്യും.