ചെങ്ങന്നൂർ : എസ്.എൻ.ഡി.പി യോഗം ചെങ്ങന്നൂർ യൂണിയന്റെ ആഭിമുഖ്യത്തിൽ എറണാകുളം മുക്തിഭവൻ കൗൺസിലിംഗ് സെന്ററിന്റെ സഹകരണത്തോടെ നടന്ന പ്രീമാര്യേജ് കൗൺസലിംഗ് ക്ലാസിന്റെ ഉദ്ഘാടനം യൂണിയൻ കൺവീനർ അനിൽ പി.ശ്രീരംഗം നിർവഹിച്ചു. യൂണിയൻ അഡ്.കമ്മറ്റി അംഗം അനിൽ അമ്പാടിയുടെ അദ്ധ്യക്ഷതയിൽ കൂടിയ യോഗത്തിൽ ഡോ. അനൂപ് വൈക്കം, യൂണിയൻ അഡ്.കമ്മറ്റി അംഗങ്ങളായ കെ.ആർ.മോഹനൻ, ബി.ജയപ്രകാശ് തൊട്ടാവാടി എന്നിവർ പ്രസംഗിച്ചു. യൂണിയൻ അഡ്.കമ്മറ്റി അംഗങ്ങളായ മോഹനൻ കൊഴുവല്ലൂർ സ്വാഗതവും സുരേഷ് വല്ലന കൃതഞ്ജതയും പറഞ്ഞു. ഡോ.അനൂപ് വൈക്കം, ഡോ.ശരത് ചന്ദ്രൻ എന്നിവർ ആദ്യ ദിവസം ക്ലാസെടുത്തു.
സമാപനദിവസമായ ഇന്ന് രാജേഷ് പൊന്മല, സുരേഷ് പരമേശ്വരൻ, ഷൈലജ രവീന്ദ്രൻ, കൊടുവഴങ്ങ ബാലകൃഷ്ണൻ എന്നിവർ ക്ലാസ്സുകൾ നയിക്കും വൈകിട്ട് 4.30 ന് അഡ്.കമ്മറ്റി അംഗം കെ.ആർ.മോഹനന്റെ അദ്ധ്യക്ഷതയിൽ നടക്കുന്ന സമാപന സമ്മേളനത്തിൽ ക്ലാസ്സുകളിൽ പങ്കെടുത്തവർക്കുള്ള സർട്ടിഫിക്കറ്റുകൾ യൂണിയൻ അഡ്. കമ്മറ്റി അംഗം അനിൽ അമ്പാടി വിതരണം ചെയ്യും.