മാവേലിക്കര: സി.പി.എം ജില്ലാ സെക്രട്ടറി​യേറ്റംഗവും എം.എൽ.എയും മാവേലിക്കര കാർഡ് ബാങ്കിന്റെയും ഈരേഴ സർവീസ് സഹകരണ ബാങ്കിന്റെയും പ്രസിഡന്റുമായിരുന്ന പരേതനായ എസ്.ഗോവിന്ദക്കുറുപ്പിന്റെ ഭാര്യ കരുനാഗപ്പളളി ആദിനാട് കളക്കാട്ട് വീട്ടിൽ ജഗദമ്മ ഗോവിന്ദക്കുറുപ്പ് (85) നിര്യാതയായി. സി.പി.എം കുലശേഖരപുരം ലോക്കൽ കമ്മിറ്റി അംഗവും അഖലേന്ത്യാ ജനാധിപത്യ മഹിളാ അസോസി​യേഷൻ ഏരിയ കമ്മിറ്റി അംഗവുമായിരുന്നു.
ഓച്ചിറ ബ്ലോക്ക് പഞ്ചായത്ത് അംഗം, കുലശേഖരപുരം ഗ്രാമപഞ്ചായത്ത് പ്രസിഡന്റ് എന്നീ നിലകളിൽ പ്രവർത്തിച്ചു. കുലശേഖരപുരം പഞ്ചായത്ത് എക്സിക്യൂട്ടീവ് ഓഫീസറായും ദീർഘകാലം പ്രവർത്തിച്ചു. സാഹിത്യകാരൻ എ.പി കളക്കാടിന്റെ സഹോദരിയാണ്. മക്കൾ: ദിന ചന്ദ്രൻ, വേണു നാഥ്, ഇന്ദുലേഖ. മരുമക്കൾ: രാധ, ലക്ഷ്മി, സോമനാഥൻപിള്ള.