കാവാലം: എസ്.എൻ.ഡി.പി യോഗം ശാഖാ നമ്പർ 2 ചെറുകര ജ്ഞാനേശ്വരം ശ്രീമഹാദേവ ക്ഷേത്രത്തിൽ തിരുവാതിര ദർശനവും ക്ഷേത്ര ഗോപുരം സമർപ്പണവും ഇന്ന് നടക്കും. രാവിലെ 6ന് ഗണപതിഹോമം. തുടർന്ന് വിശേഷാൽ പൂജ, ഉമാമഹേശ്വരപൂജ,മഹാകാണിക്ക,അൻപൊലിപ്പറ,മഞ്ഞൾപ്പറ എന്നിവയോടെ തിരുവാതിര ദർശനം. ഭദ്രദീപപ്രകാശനം ജില്ലാ പഞ്ചായത്ത് ആരോഗ്യ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സൺ എം.വി.പ്രിയ നിർവഹിക്കും. എസ്.എൻ.ഡി.പി യോഗം കുട്ടനാട് യൂണിയൻ വനിതാ സംഘം പ്രസിഡന്റ് ലേഖ ജയപ്രകാശ് മുഖ്യാതിഥിയാകും ബ്ലോക്ക് പഞ്ചായത്ത് മെമ്പർ സൗമ്യ സനൽ പങ്കെടുക്കും. തുടർന്ന് തിരുവാതിരകളി.

രാവിലെ 11ന് ക്ഷേത്ര പ്രവേശന ഗോപുര സമർപ്പണ സമ്മേളനത്തിൽ യൂണിയൻ ചെയർമാൻ പി.വി.ബിനേഷ് അദ്ധ്യക്ഷത വഹിക്കും. ശാഖായോഗം പ്രസിഡന്റ് ശിവദാസ് വി സ്വാഗതം പറയും. ക്ഷേത്ര കോമ്പൗണ്ടിൽ ശില്പി ജയൻ മണിമലയുടെ നേതൃത്വത്തിൽ പണിതുയർത്തിയ പ്രവേശന ഗോപുരം സമർപ്പണം ക്ഷേത്രം തന്ത്രി ഡോ.ബ്രഹ്മശ്രീ ദിലീപൻ നാരായണൻ നമ്പൂതിരിയുടെയും മേൽശാന്തി മിഥുൻ ശാന്തിയുടെയും കാർമ്മികത്വത്തിൽ മന്ത്രി വി.എൻ.വാസവൻ നിർവ്വഹിക്കും. യൂണിയൻ കൺവീനർ സന്തോഷ് ശാന്തി മുഖ്യപ്രസംഗം നടത്തും. യൂണിയൻ വൈസ് ചെയർമാൻ എം.ഡി.ഓമനക്കുട്ടൻ മുഖ്യാതിഥിയാകും . ക്ഷേത്രം തന്ത്രി ഡോ.ബ്രഹ്മശ്രീ ദിലീപൻ നാരായണൻ നമ്പൂതിരി അനുഗ്രഹപ്രഭാഷണം നടത്തും. റ്റി.കെ.തങ്കച്ചൻ,പ്രിയലക്ഷ്മി ശശിധരൻ,ടി.‌ടി.സത്യദാസ്,ബെൻജിത്ത് കെ.നടേശൻ,ടി.ജി.പൊന്നപ്പൻ,യു.സി.ബിജു,കൃഷ്ണാനന്ദ് മുണ്ടകപ്പാടം എന്നിവർ സംസാരിക്കും. കെ.ഡി.സാബു നന്ദി പറയും.