ചേർത്തല: വാരനാട് ദേവീക്ഷേത്രത്തിലെ വലിയകളം പൂജയും വലിയ ഗുരുതിയും 26ന് നടക്കും. വർഷത്തിലൊരിക്കൽ മാത്രമാണ് ശ്രീകോവിലിന് മുൻവശത്തെ മുഖമണ്ഡപം നിറഞ്ഞുനിൽക്കുന്ന വലിയകളം എഴുതുന്നത്. ദാരുകവധത്തിന് ശേഷം ഉഗ്രരൂപിണിയായി നിൽക്കുന്ന വാരനാട്ടമ്മയുടെ രൂപമാണ് വലിയകളത്തിൽ വരയ്ക്കുന്നത്.
ഞായറാഴ്ച രാവിലെ 6ന് വലിയകളത്തിലേയ്ക്ക് ദേവിയുടെ എതിരേൽപ്പ്, 6.15 ന് കളംപാട്ട്, 9ന് ശ്രീബലി, ഉച്ചയ്ക്ക്12 ന് വലിയകളം പൂജയും കളംപാട്ടും, വൈകിട്ട് 5.30ന് കാഴ്ചശ്രീബലി, രാത്രി 8ന് വിളക്ക്, 12ന് വലിയ ഗുരുതി എന്നിവ നടക്കും. തുടർന്നുള്ള 7ദിവസങ്ങളിൽ സൂര്യോദയത്തിന് ശേഷം നട തുറക്കുകയും സൂര്യാസ്തമനത്തോടെ നട അടക്കുകയും ചെയ്യും.