ആലപ്പുഴ: പൊലീസ് അന്വേഷണത്തിന്റെ പേരിൽ എസ്.ഡി.പി.ഐയെ പ്രീതിപ്പെടുത്തി ബി. ജെ. പി യുടെ സംഘടനാ പ്രവർത്തനം തടസപ്പെടുത്താൻ നടത്തുന്ന ആസൂത്രിത നീക്കം സർക്കാരും പൊലീസും ഉടൻ അവസാനിപ്പിക്കണമെന്ന് ബി​.ജെ.പി​ ജില്ലാ നേതൃയോഗം ആവശ്യപ്പെട്ടു.

ബി ജെ പി മഹിളാ നേതാക്കൾ ഉൾപ്പെടെ നേതാക്കളേയും പ്രവർത്തകരേയും അകാരണമായി തടങ്കലിൽ വെയ്ക്കുകയും ,വീടുകളിൽ ചെന്ന് ഭീതി പരത്തുകയും ചെയ്യുന്ന പൊലീസിന്റെ നടപടി പ്രതിഷേധാർഹമാണ്. പൊലീസിന്റെ അന്യായമായ ഈ നടപടി ഉടൻ അവസാനിപ്പിക്കണമെന്നും ആവശ്യപ്പെട്ടു. ജില്ലാ പ്രസിഡന്റ് എം വി ഗോപകുമാർ അദ്ധ്യക്ഷത വഹിച്ചു. സംസ്ഥാന നേതാക്കളായ കരമന ജയൻ, പന്തളം പ്രതാപൻ സന്ദീപ് വാചസ്പതി, കെ.സോമൻ , ജില്ലാ ജനറൽ സെക്രട്ടറിമാരായ വിമൽ രവീന്ദ്രൻ ,എൽ പി ജയചന്ദ്രൻ എന്നിവർ പങ്കെടുത്തു.