ചേർത്തല: എസ്.എൻ.ഡി.പി. യോഗം കണിച്ചു കുളങ്ങര യൂണിയനിൽ ശിവഗിരി തീർത്ഥാടന പദയാത്ര നടന്നു.തണ്ണീർമുക്കം 563-ാംനമ്പർ സന്മാർഗ ബോധിനി ഗുരുക്ഷേത്രത്തിൽ നിന്ന് ജാഥാ ക്യാപ്റ്റൻ ടി.വി. അശോകന്റെ നേതൃത്വത്തിലും 504-ാം നമ്പർ പെരുന്തുരുത്ത് (കണിയാംകുളം) ശാഖ ഗുരുമന്ദിരത്തിൽ നിന്ന് ക്യാപ്റ്റൻ കെ.എച്ച്. സുരേഷിന്റെ നേതൃത്വത്തിലും പദയാത്ര ആരംഭിച്ചു. രണ്ട് പദയാത്രകളും മുഹമ്മ വടക്ക് 498-ാംശാഖ ഗുരു മന്ദിരത്തിൽ സംഗമിച്ചു. തുടർന്ന് നടന്ന സമ്മേളത്തിൽ യൂണിയൻ പ്രസിഡന്റ് വി.എം. പുരുഷോത്തമൻ അദ്ധ്യക്ഷത വഹിച്ചു. യൂണിയൻ സെക്രട്ടറി ഇൻ ചാർജ് പി.എസ്.എൻ. ബാബു ഉദ്ഘാടനം ചെയ്തു. യൂണിയൻ കൗൺസിലർ കെ.സോമൻ ശിവഗിരി തീർത്ഥാടന ലക്ഷ്യം എന്ന വിഷയത്തിൽ പ്രഭാഷണം നടത്തി. യൂണിയൻ വൈസ് പ്രസിഡന്റ് പി.കെ.ധനേശൻ, കൗൺസിലർമാരായ വി.ശശിധരൻ വി.ആർ.ഷൈജു,സിബി നടേശ്,കെ. ഗംഗാധരൻ മാമ്പൊഴി, എം.എസ്. നടരാജൻ,യൂത്ത്മൂവ്‌മെന്റ യൂണിയൻ പ്രസിഡന്റ് ടി.കെ. അനിലാൽ,സെക്രട്ടറി ഷിബു പുതുക്കാട്,വനിതാ സംഘം പ്രസിഡന്റ് മോളി ഭദ്റസേനൻ, സെക്രട്ടറി പ്രസന്ന ചിദംബരൻ എന്നിവർ സംസാരിച്ചു. യോഗം ഇൻസ്‌പെക്ടിംഗ് ഓഫീസർ കെ.കെ. പുരുഷോത്തമൻ സ്വാഗതവും കൗൺസിലർ കെ.സി. സുനീത് ബാബു നന്ദിയും പറഞ്ഞു. തുടർന്ന് ഗുരു പ്രസാദ വിതരണവും നടന്നു.