കുട്ടികളെ കണ്ടെത്തി​യത് ടൂറിസം പൊലീസ്

ആലപ്പുഴ: ജനം അവധിദിനങ്ങൾ ആഘോഷിക്കാൻ ബീച്ചി​ലേക്ക് ഒഴുകി​യെത്തി​യപ്പോൾ നാല് കുട്ടികളെ ആൾത്തി​രക്കി​ൽ കാണാതായെങ്കി​ലും ടൂറിസം പൊലീസിന്റെ സമയോചിത ഇടപെടലിലൂടെ കണ്ടെത്തി​. ശനിയാഴ്ച അഞ്ച് വയസുള്ള ആൺകുട്ടി​യെയും പെൺകുട്ടിയെയും ഞായറാഴ്ച ആറും നാലും വയസുള്ള ആൺകുട്ടികളെയുമാണ് കാണാതായത്.

ജനത്തിരക്കിൽ കുട്ടികൾ കൈവിട്ടോടിയതും കളിക്കാൻ മാറിയതുമായി​രുന്നു. ഒരു മണിക്കൂറോളം തെരഞ്ഞാണ് ടൂറിസം എസ്.ഐ പി. ജയറാമിന്റെ നേതൃത്വത്തിൽ കുട്ടികളെ കണ്ടെത്തിയത്. കടപ്പുറത്തെ 83 കടകളിലും പൊലീസ് സ്റ്റേഷനിലും അറിയിപ്പ് നൽകിയാണ് തെരച്ചിൽ നടത്തിയത്.