ചാരുംമൂട് : മാനവ സംസ്കൃതി സംസ്ഥാന ചെയർമാൻ പി.ടി തോമസ് എം എൽ എയുടെ നിര്യാണത്തിൽ മാനവസംസ്കൃതി മാവേലിക്കര താലൂക്ക് കമ്മിറ്റി അനുശോചിച്ചു. ചെയർമാൻ ടി​. മൻമഥന്റെ അദ്ധ്യക്ഷതയിൽ നൂറനാട് ബ്ലോക്ക് കമ്മിറ്റി ഓഫീസിൽ കൂടിയ അനുശോചന യോഗം ഡി സി സി ജനറൽ സെക്രട്ടറി മനോജ് സി ശേഖർ ഉദ്ഘാടനം ചെയ്തു. നൂറനാട് ബ്ലോക്ക് പ്രസിഡന്റ് ഹരിപ്രസാദ്, പി.ബി ഹരികുമാർ, ചാരുംമൂട് ഷംസുദീൻ, ഡോ. ഹരികുമാർ , എസ്. സാദിഖ് , അനിയൻ കുഞ്ഞ് , അബ്ദുൾ അനിൽകുമാർ മനോജ് തുടങ്ങിയവർ അനുശോചി​ച്ചു. യോഗത്തിൽ താലൂക്ക് സെക്രട്ടറി നോവൽ രാജ് സ്വാഗതവും, പി.എം രവി നന്ദി​യും പറഞ്ഞു. താലൂക്കിലെ നിരവധി മാനവ സംസ്കൃതി പ്രവർത്തകർ പങ്കെടുത്തു.