മൂവാറ്റുപുഴ: വെള്ളാപ്പള്ളി നടേശൻ എസ്.എൻ.ഡി.പി യോഗം ജനറൽ സെക്രട്ടറി സ്ഥാനം ഏറ്റെടുത്തതിന്റെ രജതജൂബിലി ആഘോഷം ഇന്ന് (ഞായർ) ഉച്ചയ്ക്ക് 2ന് ശ്രീനാരായണ കോളേജ് ഓഡിറ്റോറിയത്തിൽ മൂവാറ്റുപുഴ യൂണിയന്റെ നേതൃത്വത്തിൽ വിവിധ പരിപാടികളോടെ ആഘോഷിക്കുമെന്ന് യൂണിയൻ പ്രസിഡന്റ് വി.കെ.നാരായണൻ, സെക്രട്ടറി അഡ്വ. എ.കെ.അനിൽകുമാർ എന്നിവർ പറഞ്ഞു.

യൂണിയൻ ഭാരവാഹികൾ, യൂണിയൻ കൗൺസിൽ അംഗങ്ങൾ, യൂത്ത്മൂവ്മെന്റ്, വനിതാസംഘം ഭാരവാഹികൾ, വിവിധ ശാഖാഭാരവാഹികൾ, അംഗങ്ങൾ, പോഷകസംഘടന ഭാരവാഹികൾ എന്നിവർ പങ്കെടുക്കും.

യൂണിയൻതല ആഘോഷപരിപാടി കേരള ബാങ്ക് പ്രസിഡന്റ് ഗോപി കോട്ടമുറിക്കൽ ഉദ്ഘാടനം ചെയ്യും. യൂണിയൻ പ്രസിഡന്റ് വി.കെ. നാരായണൻ അദ്ധ്യക്ഷത വഹിക്കും. യൂണിയൻ സെക്രട്ടറി ഇൻചാർജ് അഡ്വ. എ.കെ. അനിൽകുമാർ സ്വാഗതം പറയും. യൂണിയൻ വൈസ് പ്രസിഡന്റ് പി.എൻ. പ്രഭ, യോഗം ഡയറക്ടർ ബോർഡ് മെമ്പർ അഡ്വ.എൻ. രമേശ് എന്നിവർ സംസാരിക്കും. യോഗം ഡയറക്ടർ ബോർഡ് മെമ്പർ പ്രമോദ് കെ. തമ്പാൻ നന്ദിപറയും.