ഉദയംപേരൂർ: കേരള ബ്ലാസ്റ്റേഴ്സിന്റെ അണ്ടർ 19 ടീമിലേക്ക് തിരഞ്ഞെടുക്കപ്പെട്ട വൈഷ്ണവ് അജേഷിനെ സി.പി.എം കൊച്ചുപള്ളി ബ്രാഞ്ചിന്റെ ആഭിമുഖ്യത്തിൽ അനുമോദിച്ചു. ഉദയംപേരൂർ പഞ്ചായത്ത് മെമ്പർ സുധ നാരായണൻ വൈഷ്ണവിന് മെമന്റോ നൽകി. സെക്രട്ടറി ശ്രീജിത്ത് ഗോപി, മോഹൻദാസ്, എബി തോമസ്, തൊഴിലുറപ്പ് തൊഴിലാളികൾ എന്നിവർ പങ്കെടുത്തു. ഉദയംപേരൂർ കാട്ടിപ്പുല്ലുകാട്ട് വീട്ടിൽ അജേഷിന്റെയും അജിതയുടെയും മകനായ വൈഷ്ണവ് ഉദയംപേരൂർ എസ്.എൻ.ഡി.പി ഹയർ സെക്കൻഡറി സ്കൂളിലെ പത്താംക്ളാസ് വിദ്യാർത്ഥിയാണ്.