തൃക്കാക്കര: ഫോട്ടോഷൂട്ടി​നെത്തി​യ മോഡലിനെ രണ്ടുദിവസം തടവിൽ പാർപ്പിച്ച് കൂട്ടമാനഭംഗം ചെയ്ത സംഭവത്തിൽ പ്രധാനപ്രതി ചെങ്ങന്നൂർ പെരി​ങ്ങാല സ്വദേശി​ അജ്മലി​നെ (28) ഇൻഫോപാർക്ക് പൊലീസ് പിടികൂടി.
ചാവക്കാട് ഒളിവിൽ കഴിയുന്നതിനിടെയാണ് തൃക്കാക്കര അസി.കമ്മീഷണർ പി.വി. ബേബിയുടെ നേതൃത്വത്തിലുള്ള സംഘം പിടികൂടിയത്. ഓൺലൈൻവഴി നടത്തിയ തിരിച്ചറിയൽ പരേഡിൽ യുവതി പ്രതിയെ തിരിച്ചറിഞ്ഞു. നി​രവധി​ കേസുകളി​ൽ പ്രതി​യായ ഇയാൾക്കെതി​രെ കായംകുളത്ത് കാപ്പ ചുമത്തി​യി​ട്ടുണ്ട്.
യുവതിയെ ശീതളപാനീയത്തിൽ മയക്കുമരുന്ന് നൽകി ആദ്യം ഉപദ്രവിച്ചത് അജ്മലാണ്. കേസി​ൽ ആലപ്പുഴ ആറാട്ടുപുഴ പുത്തൻപറമ്പിൽ വീട്ടിൽ സലിൻകുമാറിനെ (31) നേരത്തെ പിടികൂടിയിരുന്നു. മറ്റ് പ്രതികളായ ഷമീറും ഹോട്ടൽ ഉടമ ക്രിസ്റ്റീനയും ഒളിവിലാണ്.

ഫോട്ടോ ഷൂട്ടിനായി​ കഴിഞ്ഞ 28ന് കൊച്ചിയിൽ എത്തിയതായിരുന്നു മലപ്പുറം സ്വദേശിനിയായ യുവതി. ചെമ്പുമുക്ക് ഹോട്ടലിലായിരുന്നു താമസം. ഒറ്റയ്ക്കായതിനാൽ സുരക്ഷിതഹോട്ടൽ തേടിയാണ് പരിചയക്കാരനായ സലിംകുമാറിനെ വിളിക്കുന്നത്. 29ന് ഇടച്ചിറയിലെ ക്രിസ്റ്റീന റെസിഡൻസിയിൽ എത്തി. ഡിസംബർ ഒന്ന്, രണ്ട് തീയതികളിൽ ഇവി​ടെ വച്ചായി​രുന്നു 29കാരിയെ ശീതളപാനീയത്തിൽ മയക്കുമരുന്ന് നൽകി അർദ്ധബോധാവസ്ഥയിലാക്കി പീഡി​പ്പി​ച്ച്. മൊബൈലിൽ പകർത്തിയത്.

ഇൻഫോപാർക്ക് സി.ഐ സന്തോഷ് ടി .ആർ,അമ്പലമേട് എസ്.ഐ തോമസ്,ഹിൽ പാലസ് എസ്.ഐ അനില, എ.എസ്,ഐ ബിജു, സീനിയർ സി.പി.ഒ മുരളീധരൻ തുടങ്ങിയവരുടെ നേതൃത്വത്തിലുള്ള സംഘമാണ് പ്രതിയെ പിടികൂടിയത്.