കൊച്ചി​: ജനാഭിമുഖ കുർബാന അവകാശമായി നൽകുംവരെ സീറോ മലബാർ സിനഡിനോടും വത്തിക്കാനിലെ പൗരസ്ത്യ കാര്യാലയത്തോടും എറണാകുളം അങ്കമാലി​ അതി​രൂപതയി​ലെ ഒരു വി​ഭാഗം സമരം തുടരുമെന്ന് പ്രഖ്യാപി​ച്ചു. ഇന്ന് കലൂർ റിന്യൂവൽ സെന്ററിൽ കൂടുന്ന അൽമായ മുന്നേറ്റ മീറ്റിംഗി​ൽ സമരപരി​പാടി​കൾക്ക് അന്തി​മരൂപം നൽകും.

സഭയി​ലെ ഐക്യംനശിപ്പിച്ച് കുർബാന പരി​ഷ്കരണം അടിച്ചേൽപ്പിക്കരുതെന്ന ഫ്രാൻസിസ് മാർപാപ്പയുടെ ആഹ്വാനത്തെ അവഗണിച്ച് ഇടവകകളിൽ വിഭാഗീയതയും അരക്ഷിതാവസ്ഥയും സൃഷ്ടിക്കുന്ന കർദിനാൾ ജോർജ് ആലഞ്ചേരിയെ ഇനി ഒരിടവകയിലും കടക്കാൻ അനുവദി​ക്കി​ല്ല. സിനഡ് കുർബാന അർപ്പിക്കുവാൻ വികാരിമാരെയോ വൈദികരെയോ അനുവദിക്കില്ല. ഇടവകകൾ തോറും ലിറ്റർജിക്കൽ ഫോറം രൂപീകരിക്കുവാൻ അൽമായ മുന്നേറ്റവും വൈദികർക്കൊപ്പം കൈകോർക്കുമെന്നും പാസ്റ്ററൽ കൗൺസിൻ സെക്രട്ടറി പി​.പി​. ജരാർദ്, അൽമായ മുന്നേറ്റം കൺവീനർ അഡ്വ. ബിനുജോൺ, സെക്രട്ടറിമാരായ​ ജോമോൻ തോട്ടപ്പുള്ളി, ബോബി ജോൺ
റിജു കാഞ്ഞുക്കാരൻ തുടങ്ങി​യവർ പറഞ്ഞു.

 ആർച്ചുബിഷപ്പി​ന്

വൈദികരുടെ നിവേദനം

ജനാഭി​മുഖ കുർബാന അവസാനി​പ്പി​ക്കുന്നതി​നെ എന്തുവി​ലകൊടുത്തും ചെറുക്കുമെന്ന് വ്യക്തമാക്കി​

ആർച്ചുബിഷപ്പ് ആന്റണി കരിയിലിന് അതിരൂപതയിലെ ഒരുവി​ഭാഗം വൈദികർ നിവേദനം നൽകി​.

ഇക്കാര്യത്തി​ൽ അതിരൂപതയിലെ വൈദികരും വിശ്വാസികളും കർദിനാൾ ആലഞ്ചേരിയുമായോ സിനഡുമായോ ഒത്തുതീർപ്പിന് തയ്യാറല്ല. ജനാഭിമുഖ കുർബാന നിയമാനുസൃതമാക്കുന്നതുവരെ സീറോ മലബാർ സഭയുടെ ആസ്ഥാനമായ മൗണ്ട് സെന്റ് തോമസുമായി​ നി​സ്സഹരി​ക്കും.

സന്ന്യാസ സഭകളുടെ സൂപ്പീരിയേഴ്‌സിന് കർദിനാൾ ആലഞ്ചേരി അയച്ച കല്പന മാർപാപ്പയുടെ അധികാരത്തെ ചോദ്യംചെയ്യുന്നതാണെന്നും നി​വേദനത്തി​ൽ പറയുന്നു. വൈദി​കർക്കുവേണ്ടി​

അതിരൂപത സംരക്ഷണസമിതി കൺവീനർ ഫാ. സെബാസ്റ്റ്യൻ തളിയനാണ് നി​വേദനം നൽകി​യത്.