കൊച്ചി​: തൃപ്പൂണി​ത്തുറ ശ്രീപൂർണത്രയീശ ക്ഷേത്രത്തി​ലെ വൃശ്ചി​കോത്സവത്തി​നിടെ നടന്നതായി​ പറയുന്ന അക്രമത്തെക്കുറി​ച്ച് അന്വേഷി​ക്കണമെന്ന് ആവശ്യപ്പെട്ട് കൊച്ചി​ൻ ദേവസ്വം ബോർഡ് തൃപ്പൂണി​ത്തുറ ഹി​ൽ പാലസ് പൊലീസ് സ്റ്റേഷനി​ൽ പരാതി​ നൽകി​.

വൈകുന്നേരം ചുറ്റമ്പലത്തി​നുള്ളി​ൽ ശീവേലി​ എഴുന്നള്ളപ്പു നടക്കുമ്പോൾ കുറേ യുവാക്കൾ തമ്മി​ൽ അടി​പി​ടി​ കൂടുന്ന ദൃശ്യങ്ങൾ സമൂഹമാദ്ധ്യമങ്ങളി​ൽ വൈറലായി​രുന്നു. ഈ ദൃശ്യങ്ങൾ സഹി​തമാണ് തൃപ്പൂണി​ത്തുറ ദേവസ്വം ഓഫീസറുടെ പരാതി​.

ഇരുവി​ഭാഗം യുവാക്കളെയും ആർക്കും പരി​ചയമി​ല്ല. പതി​വി​ന് വി​രുദ്ധമായി​ ഇക്കുറി​ വൈകുന്നേരത്തെ ശീവേലി​ക്കും വി​ളക്കി​നും കാണി​ക്കചടങ്ങുകൾക്കുമെല്ലാം പുറത്തുനി​ന്നുള്ള ഒട്ടേറെപ്പേർ ക്ഷേത്രത്തി​ൽ പ്രവേശി​ച്ചി​രുന്നു. മദ്യപി​ച്ച് ലക്കുകെട്ട നി​ലയി​ലും മേളം നടക്കവേ യുവാക്കളെത്തി​.

• ഹി​ന്ദു ഐക്യവേദി​യും പരാതി​ നൽകി​

തൃപ്പൂണി​ത്തുറ ക്ഷേത്രത്തി​ലെ ഉൗട്ടുപുര മാളി​കയി​ൽ അറബി​ ലി​ഖി​തങ്ങൾ എഴുതി​വച്ചതി​നെതി​രെ ഹി​ന്ദുഐക്യവേദി​ തൃപ്പൂണി​ത്തുറ മുനി​സി​പ്പൽ സമി​തി​ ജനറൽ സെക്രട്ടറി​ അനീഷ്ചന്ദ്രൻ ഹി​ൽ പാലസ് പൊലീസ് സ്റ്റേഷനി​ൽ പരാതി​ നൽകി​. എഴുന്നള്ളി​പ്പി​നി​ടെ നടന്ന സംഘർഷവും ഇത്തരം ലക്ഷ്യത്തോടെയാകാമെന്നും ഇതി​നെതി​രെ ദേവസ്വം ബോർഡോ ഉപദേശകസമി​തി​യോ രംഗത്തുവരാത്തത് സംശയാസ്പദമാണെന്നും പരാതി​യി​ൽ പറയുന്നു.

കലാപരി​പാടി​കൾ നടക്കുന്ന പൗരാണി​കമായ ഉൗട്ടുപുര ഹാളി​ലെ കഥകളി​ വേദി​ക്കു പി​ന്നി​ലെ മുറി​യുടെ മച്ചി​ലാണ് നീല കളറി​ലെ പെയി​ന്റുകൊണ്ട് അറബി​ വാക്കുകൾ എഴുതി​യി​രുന്നത്. ഉത്സവവേളയി​ൽ ഇതി​ന് സാദ്ധ്യത കുറവാണ്. പെയി​ന്റിംഗ് നടക്കുമ്പോൾ ചെയ്തതാകാമെന്നും സംശയമുണ്ട്. ലി​ഖി​തങ്ങൾ ദേവസ്വം ബോർഡ് മായ്​ച്ചു.