മൂവാറ്റുപുഴ: താലൂക്ക് ലീഗൽ സർവീസസ് കമ്മിറ്റിയുടെ കീഴിൽ സന്നദ്ധ സേവനത്തിനായി പാരാ ലീഗൽ വോളണ്ടിയർമാരെ തിരഞ്ഞെടുക്കുന്നു. മൂവാറ്റുപുഴ താലൂക്കിലുള്ള പത്താം ക്ലാസ് യോഗ്യതയുള്ളവർക്ക് അപേക്ഷിയ്ക്കാം. സാമൂഹ്യ സേവന രംഗത്ത് പ്രവർത്തിച്ച് മുൻപരിചയം ഉള്ളവർ, ബിരുദധാരികൾക്കും പ്രത്യേക പരിഗണന. സർവീസിൽ നിന്നും വിരമിച്ച അദ്ധ്യാപകർ, സർക്കാർ ജീവനക്കാർ, വിവിധ വിദ്യാർത്ഥികൾ (നിയമം, എം.എസ്.ഡബ്ല്യു) സേവന മേഖലകളിൽ പ്രവർത്തിക്കുന്നവർ, കുടുംബശ്രീ പ്രവർത്തകർ തുടങ്ങിയവർക്കും അപേക്ഷിക്കാം. അപേക്ഷകർ ക്രിമിനൽ കേസുകളിൽ ശിക്ഷിക്കപ്പെട്ടവരാകരുത്. സർട്ടിഫിക്കറ്റുകളുടെ പകർപ്പും വിശദവിവരങ്ങളും ഉൾപ്പെടെയുള്ള വെള്ള കടലാസിൽ എഴുതിയ അപേക്ഷ 31ന് വൈകിട്ട് അഞ്ചിന് മുമ്പ് ചെയർമാൻ, താലൂക്ക് ലീഗൽ സർവീസസ് കമ്മിറ്റി , മൂവാറ്റുപുഴ എന്ന വിലാസത്തിൽ നേരിട്ടോ തപാലിലോ നൽകണം. തിരഞ്ഞെടുക്കപ്പെടുന്നവർക്ക് പ്രത്യേക പരിശീലനവും ലീഗൽ സർവീസസ് അതോറിറ്റി നിശ്ചയിക്കുന്ന പ്രതിഫലവും നൽകും.