പള്ളുരുത്തി: ഇടക്കൊച്ചി കണ്ണേങ്ങാട്ട് - ഐലൻഡ് പാലത്തിൽ നിന്ന് കായലിൽ ചാടിയ യുവതിയുടെ മൃതദേഹം കണ്ടെത്തി. പള്ളുരുത്തി നമ്പ്യാപുരം താണിക്കപ്പറമ്പ് വീട്ടിൽ ആഷ്‌നയുടെ (23) മൃതദേഹമാണ് അലക്സാണ്ടർ പറമ്പിത്തറ പാലത്തിന് സമീപം കായലിൽ ഇന്നലെ കണ്ടെത്തിയത്. ബന്ധുക്കൾ മൃതദേഹം തിരിച്ചറിഞ്ഞു. കഴിഞ്ഞ വ്യാഴാഴ്ച്ച വൈകിട്ട് ഏഴരയോടെയാണ് യുവതി കായലിൽ ചാടിയത്. പള്ളുരുത്തി പൊലീസും ഫയർഫോഴ്സും സ്കൂബാ ഡൈവിംഗ് സംഘവും ചേർന്ന് തെരച്ചിൽ നടത്തിയെങ്കിലും കണ്ടെത്താനായിരുന്നില്ല. ഫോർട്ട്കൊച്ചി കോസ്റ്റൽ എസ്.ഐ.ജോർജ് ലാൽ, ബോട്ട് കമാൻഡർ ഹാപ്പിരാജ്, ലസ്കർ രാജേഷ്, സുജേഷ്, കോസ്റ്റൽ വാർഡൻ ശ്രീജിത്ത്‌ എന്നിവരുടെ നേതൃത്വത്തിലാണ് മൃതദേഹം കരയ്ക്കടുപ്പിച്ചത്. തുടർനടപടികൾക്കായി പള്ളുരുത്തി പൊലീസ് മൃതദേഹം ഏറ്റുവാങ്ങി. ഭർത്താവ്: വാഹിദ്.