കുറുപ്പംപടി: കേന്ദ്ര, സംസ്ഥാന സർക്കാരുകളുടെ ജനവിരുദ്ധ നയങ്ങൾക്കെതിരെ രാജ്യവ്യാപകമായി നടക്കുന്ന പ്രക്ഷോഭങ്ങളുടെ ഭാഗമായി കോൺഗ്രസ് അശമന്നൂർ മണ്ഡലം കമ്മിറ്റിയുടെ ആഭിമുഖ്യത്തിൽ ഓടക്കാലിയിൽനിന്ന് പയ്യാലിലേക്ക് ജനജാഗരൻ അഭിയാൻ പദയാത്ര നടത്തി. അഡ്വ. എൽദോസ് കുന്നപ്പിള്ളി എം.എൽ.എ, കോൺഗ്രസ് ബ്ലോക്ക് പ്രസിഡന്റ് കെ.പി. വർഗീസ്, കോൺഗ്രസ് അശമന്നൂർ മണ്ഡലം പ്രസിഡന്റ് ബിനോയ് ചെമ്പകശേരി എന്നിവർ നേതൃത്വം നൽകി. ബെന്നി ബഹനാൻ എം.പി ഓടക്കാലിയിൽ പതാക കൈമാറി ഉദ്ഘാടനം ചെയ്തു. കെ.പി. ധനപാലൻ സമാപനസമ്മേളനം ഉദ്ഘാടനം ചെയ്തു. റോജി എം .ജോൺ എം.എൽ.എ, ഒ. ദേവസി, മനോജ് മൂത്തേടൻ, ബേസിൽ പോൾ, ടി.എൻ. സദാശിവൻ, ഷാജി സലിം, ഷൈമി വർഗീസ്, ലതാഞ്ജലി മുരുകൻ, പി.കെ. ജമാൽ, സനോഷ് സി.മത്തായി, പി.എസ്. രാജൻ, പ്രീത സുകു, അഡ്വ ചിത്ര ചന്ദ്രൻ, പി. രഘുകുമാർ, സുബൈദ പരീത്, ബിന്ദു നാരായണൻ, അഗ്രോസ് പോൾ പുല്ലൻ, എം.എം. ഷൗക്കത്തലി, ജോർജ് ആന്റണി, എൽദോസ് വർഗീസ് തുടങ്ങിയവർ നേതൃത്വംനൽകി.