കൊച്ചി: ആറ്റിങ്ങലിൽ എട്ടു വയസുകാരിയെ പിങ്ക് പൊലീസ് പരസ്യ വിചാരണ നടത്തി അപമാനിച്ചെന്ന ഹർജിയിൽ കുട്ടിയ്‌ക്ക് നഷ്ടപരിഹാരം നൽകാനാവില്ലെന്ന് സർക്കാർ ഹൈക്കോടതിയെ അറിയിച്ചു. സർക്കാരിന്റെ നിലപാട് മാറ്റത്തെ വിമർശിച്ച സിംഗിൾബെഞ്ച് ഹർജി വിശദമായി പരിശോധിക്കാൻ തീരുമാനിച്ചു. പൊലീസിന്റെ പക്കലുള്ള സംഭവത്തിന്റെ വീഡിയോ ദൃശ്യം ഹാജരാക്കണം.

മൊബൈൽ ഫോൺ മോഷ്ടിച്ചെന്നാരോപിച്ച് പിങ്ക് പൊലീസ് ഉദ്യോഗസ്ഥ രജിത അപമാനിച്ച സംഭവത്തിൽ 50 ലക്ഷം രൂപ നഷ്ടപരിഹാരം വേണമെന്നും ഉദ്യോഗസ്ഥയ്ക്കെതിരെ നടപടി വേണമെന്നുമാവശ്യപ്പെട്ട് എട്ടു വയസുകാരി പിതാവ് മുഖേന നൽകിയ ഹർജി ജസ്റ്റിസ് ദേവൻ രാമചന്ദ്രന്റെ ബെഞ്ചാണ് പരിഗണിക്കുന്നത്. ഹർജി ബുധനാഴ്ച വീണ്ടും പരിഗണിക്കും.

ആഗസ്റ്റ് 27ന് തുമ്പ വി.എസ്.എസ്.സിയിലേക്ക് വലിയ കാർഗോ കൊണ്ടുപോകുന്നതു കാണാൻ ആറ്റിങ്ങൽ തോന്നക്കൽ സ്വദേശിനിയായ പെൺകുട്ടി പിതാവിനൊപ്പം മൂന്നുമുക്ക് ജംഗ്ഷനിലെത്തിയപ്പോഴാണ് മൊബൈൽ കാണാനില്ലെന്നു പറഞ്ഞ്

പൊലീസ് ഉദ്യോഗസ്ഥ അപമാനിച്ചത്.

നേരത്തെ ഹർജി പരിഗണിച്ച സിംഗിൾബെഞ്ച് എത്ര രൂപ നഷ്ടപരിഹാരമായി നൽകാനാവുമെന്ന് സർക്കാർ അറിയിക്കാൻ നിർദ്ദേശിച്ചിരുന്നു. ഇതിനുള്ള മറുപടിയായാണ് നഷ്ടപരിഹാരം നൽകാനാവില്ലെന്ന് സർക്കാരിനു വേണ്ടി ഹാജരായ അഡി. പബ്ളിക് പ്രോസിക്യൂട്ടർ അറിയിച്ചത്. വാദത്തിൽ അതൃപ്തി രേഖപ്പെടുത്തിയ സിംഗിൾബെഞ്ച് സർക്കാരിന്റെ നിലപാടു മാറ്റത്തെ വിമർശിച്ചു.

ആരോപണ വിധേയയായ ഉദ്യോഗസ്ഥയുടെ മൊഴിയിൽ നിന്ന് വ്യത്യസ്തമാണ് സംഭവത്തെക്കുറിച്ച് അന്വേഷിച്ച ഐ.ജിയുടെ റിപ്പോർട്ടെന്ന് സിംഗിൾബെഞ്ച് പറഞ്ഞു. കുട്ടിയെ അപമാനിച്ചെന്ന നിലപാടാണ് സർക്കാരിനെന്നാണ് ഇതുവരെ കരുതിയത്. അങ്ങനെയല്ലെങ്കിൽ ഹർജി വിശദമായി പരിശോധിക്കേണ്ടതുണ്ട്. സംഭവത്തെക്കുറിച്ച് അന്വേഷിച്ച ഐ.ജി വീഡിയോ ദൃശ്യങ്ങൾ കണ്ടതായി റിപ്പോർട്ടിൽ പറയുന്നുണ്ട്. ആ ദൃശ്യങ്ങൾ ഹാജരാക്കണം - സിംഗിൾബെഞ്ച് പറഞ്ഞു. ബാലാവകാശ കമ്മിഷന്റെയും എസ്.സി - എസ്. ടി കമ്മിഷന്റെയും കണ്ടെത്തലുകൾക്ക് വിരുദ്ധമാണ് സർക്കാർ നിലപാടെന്ന് ഹർജിക്കാരിയുടെ അഭിഭാഷക വ്യക്തമാക്കി.

കു​ട്ടി​യു​ടെ​ ​മൗ​ലി​കാ​വ​കാ​ശം​ ​ലം​ഘി​ക്ക​പ്പെ​ട്ടി​ല്ല​:​ ​സ​ർ​ക്കാർ

 ​കു​ട്ടി​യെ​യോ​ ​പി​താ​വി​നെ​യോ​ ​ബു​ദ്ധി​മു​ട്ടി​ക്ക​ണ​മെ​ന്ന​ ​ഉ​ദ്ദേ​ശ്യ​ത്തോ​ടെ​ ​പൊ​ലീ​സ് ​ഉ​ദ്യോ​ഗ​സ്ഥ​ ​പെ​രു​മാ​റി​യി​ട്ടി​ല്ല
 കു​ട്ടി​യു​ടെ​ ​മൗ​ലി​കാ​വ​കാ​ശ​ങ്ങ​ൾ​ ​ലം​ഘി​ക്ക​പ്പെ​ട്ടി​ട്ടി​ല്ല
 ​അ​തി​നാ​ൽ​ ​ന​ഷ്ട​പ​രി​ഹാ​രം​ ​ന​ൽ​കേ​ണ്ട​തി​ല്ല
 ​പൊ​ലീ​സ് ​ഉ​ദ്യോ​ഗ​സ്ഥ​ ​ചോ​ദ്യം​ ​ചെ​യ്ത​തു​കൊ​ണ്ട​ല്ല,​ ​ആ​ളു​ ​കൂ​ടി​യ​തു​കൊ​ണ്ടാ​ണ് ​കു​ട്ടി​ ​ക​ര​ഞ്ഞ​ത്
 ​കു​ട്ടി​യു​ടെ​യും​ ​പി​താ​വി​ന്റെ​യും​ ​ജാ​തി​ ​സം​ഭ​വം​ ​ന​ട​ക്കു​മ്പോ​ൾ​ ​പൊ​ലീ​സ് ​ഉ​ദ്യോ​ഗ​സ്ഥ​ക്ക് ​അ​റി​യി​ല്ലാ​യി​രു​ന്നു
 ​അ​തി​നാ​ൽ​ ​എ​സ്.​സി​ ​-​ ​എ​സ്.​ടി​ ​ആ​ക്ട് ​പ്ര​കാ​ര​മോ​ ​ബാ​ലാ​വ​കാ​ശ​ ​നി​യ​മ​പ്ര​കാ​ര​മോ​ ​ന​ട​പ​ടി​ ​സാ​ദ്ധ്യ​മ​ല്ല
​ ​പൊ​ലീ​സ് ​ഉ​ദ്യോ​ഗ​സ്ഥ​ ​മോ​ശ​മാ​യ​ ​ഭാ​ഷ​ ​പ്ര​യോ​ഗി​ച്ചി​ട്ടി​ല്ല
​ ​കു​ട്ടി​യെ​ ​വേ​ദ​നി​പ്പി​ക്കു​ന്ന​തോ​ ​അ​പ​മാ​നി​ക്കു​ന്ന​തോ​ ​ആ​യ​ ​വാ​ക്കു​ക​ൾ​ ​പ്ര​യോ​ഗി​ച്ചി​ട്ടി​ല്ല
​ ​പൊ​ലീ​സു​കാ​രി​ൽ​ ​നി​ന്നു​ള്ള​ ​മാ​ന്യ​മാ​യ​ ​പെ​രു​മാ​റ്റം​ ​ഉ​ണ്ടാ​യി​ല്ലെ​ന്ന​തു​ ​മാ​ത്ര​മാ​ണ് ​ഉ​ദ്യോ​ഗ​സ്ഥ​ക്കെ​തി​രാ​യ​ ​കു​റ്റം
​ ​അ​തി​നാ​ൽ​ ​സ്ഥ​ലം​ ​മാ​റ്റു​ക​യും​ ​ന​ല്ല​ ​ന​ട​പ്പ് ​പ​രി​ശീ​ല​ന​ത്തി​ന് ​അ​യ​ക്കു​ക​യും​ ​ചെ​യ്തു
​ ​ഇ​തി​ന​പ്പു​റം​ ​പൊ​ലീ​സ് ​ഉ​ദ്യോ​ഗ​സ്ഥ​ക്ക് ​ശി​ക്ഷ​ ​ന​ൽ​കേ​ണ്ട​തി​ല്ല
​ ​ന​ഷ്ട​പ​രി​ഹാ​രം​ ​ന​ൽ​കു​ന്ന​ത് ​തെ​റ്റാ​യ​ ​കീ​ഴ്‌​വ​ഴ​ക്കം​ ​സൃ​ഷ്ടി​ക്കും