കൊച്ചി: ദുഃഖം താങ്ങാനാവതെ ആയിരങ്ങൾ പ്രണമിച്ചുനിൽക്കെ, മണ്ണിനും മനുഷ്യനുംവേണ്ടി ഉറച്ച നിലപാടുകൾ സ്വീകരിച്ച പി.ടി. തോമസ് എം.എൽ.എയുടെ ഭൗതികദേഹം മതപരമായ ച‌ടങ്ങുകളൊന്നുമില്ലാതെ ചിതയിലെരിഞ്ഞ് പ്രകൃതിയിൽ ലയിച്ചു. പി.ടി ആഗ്രഹിച്ചതുപോലെ 'ചന്ദ്രകളഭം ചാർത്തി...' എന്ന ഇഷ്ടഗാനം അലയടിക്കേ, ഇന്നലെ വൈകിട്ട് 6.52 ന് രവിപുരം ശ്‌മശാനത്തിൽ മക്കളായ വിഷ്ണുവും വിവേകും ചേർന്ന് ചിതയിൽ അഗ്നിപകർന്നു.

സ്വന്തം നിയമസഭാ മണ്ഡലമായ തൃക്കാക്കരയിലെ പൊതുദർശനം കഴിഞ്ഞ് വൈകിട്ട് 6.15 ന് ഭൗതികശരീരം ശ്‌മശാനത്തിച്ചു. മുൻ അംബാസഡർ വേണു രാജാമണി ഉൾപ്പെടെയുള്ള മഹാരാജാസ് കോളേജിലെ പി.ടിയുടെ സഹപാഠികൾ അദ്ദേഹത്തിന്റെ ഇഷ്‌‌ടഗാനം പാടിയാണ് ഭൗതികശരീരത്തെ ശ്മശാനത്തിലേക്ക് എതിരേറ്റത്. ഭാര്യ ഉമ, മക്കളായ ഡോ. വിഷ്ണു തോമസ്, വിവേക് തോമസ്, മരുമകൾ ബിന്ദു എന്നിവർ അനുഗമിച്ചു. പൊലീസ് സംഘം ഗാർഡ് ഒഫ് ഓണർ അർപ്പിച്ചു. പ്രിയ നേതാവിനെ വാഴ്ത്തുന്ന മുദ്രാവാക്യങ്ങളുമായി ആയിരങ്ങൾ അന്ത്യോപചാരമർപ്പിച്ചു.

രാമച്ചം വിതറി ഒരുക്കിയ ചിതയിലാണ് പി.ടിയുടെ മൃതദേഹം കിടത്തിയത്. നെറുകയിൽ തലോടി ചുംബനം നൽകിയാണ് ഉമ യാത്രയാക്കിയത്. മക്കൾ രണ്ടുപേരും അന്ത്യചുംബനം നൽകി വിതുമ്പിക്കരഞ്ഞു. പി.ടിയുടെ ആഗ്രഹപ്രകാരമാണ് മതപരമായ ചടങ്ങുകൾ ഒഴിവാക്കിയത്. എറണാകുളം കരയോഗമാണ് നിലവിളക്കു കൊളുത്തി സംസ്കാരച്ചടങ്ങുകൾക്ക് നേതൃത്വം വഹിച്ചത്. ചിതാഭസ്‌മത്തിന്റെ ഒരു ഭാഗം അമ്മയെ സംസ്കരിച്ച ഇടുക്കി ഉപ്പുതോടിലെ കല്ലറയിൽ നിക്ഷേപിക്കും.

വി​തു​മ്പ​ല​ട​ക്കി​ ​ആ​ത്മ​സ​ഖി,​ ​കൈ​ ​പി​ടി​ച്ചു​ ​മ​ക്കൾ

കൊ​ച്ചി​:​ ​ജീ​വി​ത​ത്തി​ലേ​ക്ക് ​കൈ​പി​ടി​ച്ച് ​ഒ​പ്പം​ ​കൂ​ട്ടി​യ​ ​പ്രി​യ​ത​മ​ന്റെ​ ​മൃ​ത​ദേ​ഹ​ത്തി​നു​ ​മു​ന്നി​ലും​ ​മ​ന​സി​ട​റാ​തെ​ ​നി​ന്ന​ ​ഭാ​ര്യ​ ​ഉ​മ​ ​ക​ണ്ടു​നി​ന്ന​വ​ർ​ക്കാ​കെ​ ​നൊ​മ്പ​ര​മാ​യി.​ ​അ​മ്മ​യു​ടെ​ ​കൈ​ക​ൾ​ ​ചേ​ർ​ത്തു​പി​ടി​ച്ചു​നി​ന്ന​ ​മ​ക്ക​ൾ​ ​പി.​ടി​ക്ക് ​അ​ന്ത്യ​ചും​ബ​നം​ ​ന​ൽ​കി​യ​പ്പോ​ൾ​ ​വി​തു​മ്പി​ക്ക​ര​ഞ്ഞു.
വെ​ല്ലൂ​രി​ൽ​ ​നി​ന്ന് ​പി.​ടി​യു​ടെ​ ​മൃ​ത​ദേ​ഹ​ത്തി​നൊ​പ്പം​ ​വ​ന്ന​ ​ഭാ​ര്യ​യും​ ​മ​ക്ക​ളും​ ​പൊ​തു​ദ​ർ​ശ​നം​ ​ന​ട​ത്തി​യ​ ​ടൗ​ൺ​ ​ഹാ​ളി​ലും​ ​തൃ​ക്കാ​ക്ക​ര​യി​ലും​ ​വി​തു​മ്പ​ല​ട​ക്കി​യാ​ണ് ​നി​ന്ന​ത്.​ ​പ്ര​ണ​യ​ത്താ​ൽ​ ​വി​ല​ക്കു​ക​ൾ​ ​ഭേ​ദി​ച്ച് ​ജീ​വി​ത​ത്തി​ൽ​ ​ചേ​ർ​ത്തു​നി​റു​ത്തി​യ​ ​പി.​‌​ടി​യു​ടെ​ ​വേ​ർ​പാ​ടി​ലും​ ​അ​വ​ർ​ ​ത​ള​ർ​ന്നി​ല്ല.​ ​പി.​ടി​യു​ടെ​ ​ആ​ത്മ​സ​ഖി​ ​അ​തേ​ ​ക​രു​ത്തു​ ​കാ​ട്ടു​ക​യാ​യി​രു​ന്നു.​ ​തൃ​ക്കാ​ക്ക​ര​യി​ൽ​നി​ന്ന് ​ശ്‌​മ​ശാ​ന​ത്തി​ലേ​ക്ക് ​വോ​ൾ​വോ​ ​ബ​സി​ലാ​യി​രു​ന്നു​ ​അ​ന്ത്യ​യാ​ത്ര.​ ​ഫ്രീ​സ​റി​ൽ​ ​കി​ട​ത്തി​യ​ ​പി.​ടി​യു​ടെ​ ​ത​ല​യു​ടെ​ ​മു​ക​ളി​ൽ​ ​ഇ​രു​കൈ​ക​ളും​ ​അ​മ​ർ​ത്തി​ ​ഇ​മ​വെ​ട്ടാ​തെ​ ​നി​ൽ​ക്കു​ക​യാ​യി​രു​ന്നു​ ​ഉ​മ.​ ​അ​മ്മ​യു​ടെ​ ​കൈ​ക​ളി​ൽ​ ​കൈ​ക​ൾ​ ​ചേ​ർ​ത്ത് ​മ​ക്ക​ളും​ ​നി​ന്ന​ത് ​ക​ണ്ണീ​രു​ണ​ങ്ങാ​ത്ത​ ​കാ​ഴ്ച​യാ​യി.​ ​ശ്‌​മ​ശാ​ന​ത്തി​ലെ​ത്തി​ച്ച​പ്പോ​ഴും​ ​പി.​ടി​യോ​ട് ​ചേ​ർ​ന്നു​ത​ന്നെ​ ​മൂ​വ​രും​ ​നി​ന്നു.​ ​ചി​ത​യി​ൽ​ ​പി.​ടി​ ​അ​മ​രു​മ്പോ​ഴും​ ​നൊ​മ്പ​രം​ ​ക​ടി​ച്ച​മ​ർ​ത്തി​നി​ൽ​ക്കു​ക​യാ​യി​രു​ന്നു​ ​ഉ​മ.