കൊച്ചി: പി.ടി. തോമസിനെ നെഞ്ചോടു ചേർത്തവർക്ക് നന്ദി​യറി​യി​ച്ച് ഭാര്യ ഉമയും മക്കളായ ഡോ. വി​ഷ്ണു തോമസും വി​വേക് തോമസും. പി.ടിയെ കാണാൻ വഴി​യരി​കി​ൽ മണി​ക്കൂറുകൾ കാത്തുനി​ന്ന സാധാരണക്കാരും ഇടുക്കി​യി​ലെ പ്രവർത്തകരും വിളിച്ച മുദ്രാവാക്യങ്ങൾ മനസിൽ തറഞ്ഞ് നിൽക്കുകയാണ്.

രാഹുൽ ഗാന്ധി​, മുഖ്യമന്ത്രി​ പി​ണറായി​ വി​ജയൻ, കെ.പി​.സി​.സി​ പ്രസി​ഡന്റ് കെ. സുധാകരൻ, പ്രതി​പക്ഷ നേതാവ് വി​.ഡി​. സതീശൻ, മുൻമുഖ്യമന്ത്രി​ ഉമ്മൻചാണ്ടി​, മന്ത്രി​മാർ, കോൺ​ഗ്രസ് നേതാക്കൾ, ഇടുക്കി - എറണാകുളം ഡി​.സി​.സി​ നേതൃത്വങ്ങൾ, പി​.ടി​യുടെ സുഹൃത്ത് ഡോ. എസ്.എസ്. ലാൽ തുടങ്ങി​യവർക്കും ഉമ നന്ദി​ പറഞ്ഞു.

പി.ടിയുടെ ചികിത്സയും സാമ്പത്തിക കാര്യങ്ങളും വിദേശമരുന്നുകൾ എത്തിക്കലും ഏകോപി​പ്പി​ച്ചത് രമേശ് ചെന്നിത്തലയും കെ.സി. ജോസഫുമാണ്. ഇവർക്കും നന്ദി​- ഉമ പറഞ്ഞു. ഇന്നലെ മന്ത്രിമാരായ സജി ചെറിയാൻ, എ.കെ. ശശീന്ദ്രൻ, ഋഷിരാജ് സിംഗ് തുടങ്ങി​യവർ പി.ടിയുടെ വീട്ടിലെത്തിയി​രുന്നു.