ആലുവ: നഗരസഭയുടെ ശതാബ്ദി ആഘോഷത്തിന്റെ ഭാഗമായി 28ന് നഗരത്തിൽ കൂട്ടയോട്ടം സംഘടിപ്പിക്കും. വൈകിട്ട് മൂന്നിന് ദേശീയപാതയിൽ മംഗലപ്പുഴ പാലത്തിന് സമീപം നിന്നാരംഭിച്ച് മാർത്താണ്ഡവർമ്മ പാലംവഴി മെട്രോ സ്റ്റേഷന് മുൻവശത്തുകൂടി പുളിഞ്ചോട്, കാരോത്തുകുഴി കവല, ഫയർ സ്റ്റേഷൻ, മുനിസിപ്പൽ ബസ് സ്റ്റാൻഡ്, ബാങ്ക് കവല, പോസ്റ്റ് ഓഫീസ്, പമ്പുകവല, റെയിൽവേ സ്റ്റേഷൻ, ഗവ. ആശുപത്രി, പവർ ഹൗസ് ജംഗ്ഷനിൽ കൂടി മുനിസിപ്പൽ റിക്രിയേഷൻ ഗ്രൗണ്ടിൽ സമാപിക്കും. ഒളിമ്പ്യൻ ടി.സി. യോഹന്നാൻ കൂട്ടയോട്ടം ഫ്ളാഗ് ഓഫ് ചെയ്യുമെന്ന് മുനിസിപ്പൽ ചെയർമാൻ എം.ഒ. ജോൺ, സ്വാഗതസംഘം ജനറൽ കൺവീനർ എം.എൻ. സത്യദേവൻ എന്നിവർ അറിയിച്ചു.

30ന് മുനിസിപ്പൽ അങ്കണത്തിൽ നടക്കുന്ന ചടങ്ങിൽ മന്ത്രി എം.വി. ഗോവിന്ദൻ ഒരുവർഷം നീണ്ടുനിൽക്കുന്ന ശതാബ്ദി ആഘോഷം ഉദ്ഘാടനം ചെയ്യും.