പെരുമ്പാവൂർ: കൊവിഡ് രണ്ടാംവ്യാപനവും തുടർച്ചയായുണ്ടായ മഴയും മൂലം നിർമാണം പുനരാരംഭിക്കാൻ വൈകിയ ആലുവ - മൂന്നാർ റോഡിന്റെ റീടാറിംഗിന് ആവശ്യമായ സാങ്കേതിക അനുമതി ലഭ്യമായതായി എൽദോസ് കുന്നപ്പിള്ളി എം എൽ എ അറിയിച്ചു. ബി.എം ബി.സി നിലവാരത്തിൽ ടാർ ചെയ്യുന്നതിന് ശബരിമല പ്രത്യേക പാക്കേജിൽ ഉൾപ്പെടുത്തി 7 കോടി രൂപയ്ക്കുള്ള ഭരണാനുമതി ലഭ്യമായിരുന്നു. പ്രാരംഭഘട്ടത്തിൽ കുഴിയടക്കൽ നടപടികൾക്കായി 8 ലക്ഷം രൂപ അനുവദിച്ചിരുന്നതായും കഴിഞ്ഞ ആഴ്ചയിൽ ജോലികൾ പൂർത്തിയായതായും എം.എൽ.എ അറിയിച്ചു.