കുട്ടമ്പുഴ: കസ്തൂരിരംഗൻ റിപ്പോർട്ടിലെ പരിസ്ഥിതിലോല മേഖലയിൽനിന്ന് കുട്ടമ്പുഴ പഞ്ചായത്തിലെ ജനവാസ മേഖലയെ പൂർണമായും ഒഴിവാക്കണമെന്നാവശ്യപ്പെട്ട് ജനകീയ സമരസമിതിയുടെ നേതൃത്വത്തിൽ നടത്തിയ ഹർത്താൽ പൂർണം. രാവിലെ 6 മുതൽ വൈകിട്ട് 6 വരെയായിരുന്നു ഹർത്താൽ. ജനകീയ സമരസമിതിയുടെ നേതൃത്വത്തിൽ കുട്ടമ്പുഴ ടൗണിൽ പ്രകടനം നടത്തി. ആവശ്യങ്ങൾ അംഗീകരിക്കുന്നതുവരെ സമരം തുടരുമെന്ന് സമരസമിതി നേതാവ് കെ.എ സിബി പറഞ്ഞു.