മൂവാറ്റുപുഴ: സി.പി.ഐ പായിപ്ര ലോക്കൽ കമ്മിറ്റിയുടെ നേതൃത്വത്തിൽ പായിപ്ര സൊസെറ്റിപ്പടി ലക്ഷംവീട് കോളനിയിലെ നിർദ്ധന കുടുംബത്തിന് നിർമിച്ച് നൽകുന്ന സ്‌നേഹ ഭവനത്തിന്റെ താക്കോൽ ദാനം ശനിയാഴ്ച രാവിലെ ഒമ്പതിന് സി.പി.ഐ സംസ്ഥാന കൗൺസിൽ അംഗവും മുൻ എം.എൽ.എയുമായ ബാബുപോൾ നിർവഹിക്കും. സി.പി.ഐ ലോക്കൽ സെക്രട്ടറി കെ.കെ.ശ്രീകാന്ത് അദ്ധ്യക്ഷത വഹിക്കും. എ.ഐ.വൈ.എഫ് സംസ്ഥാന പ്രസിഡന്റ് എൻ.അരുൺ, മുൻ എം.എൽ.എ എൽദോ എബ്രാഹം, സി പി ഐ ജില്ലാ കമ്മിറ്റി അംഗം പി.കെ.ബാബുരാജ്, മണ്ഡലം സെക്രട്ടറി ടി.എം.ഹാരിസ്, എന്നിവർ പങ്കെടുക്കും.