തിരുവനന്തപുരം: ഒന്നരവയസ് പ്രായമുള്ള സംസാരശേഷി ഇല്ലാത്ത കുട്ടിയെ ലൈംഗികമായി പീഡിപ്പിച്ച ഇതരസംസ്ഥാന തൊഴിലാളി അറസ്റ്റിൽ. പശ്ചിമബംഗാൾ അലിപൂർദാർ കച്ചിനി, ബംഗ്ലാ സ്‌കൂളിന് സമീപം രാജ്നാഥ് ഉരാവിനെയാണ് (30) കഴക്കൂട്ടം പൊലീസ് അറസ്റ്റ് ചെയ്തത്. തിങ്കളാഴ്ചയാണ് കുട്ടിക്ക് നേരെ അതിക്രമം നടന്നത്. മാതാവിന്റെ പരാതിയുടെ അടിസ്ഥാനത്തിൽ പോക്‌സോ ആക്ട് പ്രകാരം കേസ് രജിസ്റ്റർ ചെയ്ത് നടത്തിയ അന്വേഷണത്തിലാണ് കാര്യവട്ടം കാമ്പസിന് സമീപമുള്ള ഒഴിഞ്ഞ പുരയിടത്തിൽ ഒളിവിൽ കഴിയുകയായിരുന്ന പ്രതി പിടിയിലായത്. കഴക്കൂട്ടം എസ്.എച്ച്.ഒ ജെ.എസ്. പ്രവീൺ, എസ്.ഐമാരായ മിഥുൻ, ഷാജുകുമാർ, എസ്.സി.പി.ഒ മനു എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്. കോടതിയിൽ ഹാജരാക്കിയ ഇയാളെ റിമാൻഡ് ചെയ്തു.