തൊടുപുഴ :സംസ്ഥാന ന്യൂനപക്ഷ ക്ഷേമ വകുപ്പിനു കീഴിൽ തൊടുപുഴയിൽ പ്രവർത്തിക്കുന്ന ന്യൂനപക്ഷ യുവജന പരിശീലന കേന്ദ്രത്തിൽ 2022 ജനുവരിയിൽ ആരംഭിക്കുന്ന സർക്കാർ/അർദ്ധ സർക്കാർ നടത്തുന്ന PSC,SSC,IBPS,RRB തുടങ്ങി വിവിധ മത്സര പരീക്ഷകൾക്ക് വേണ്ടിയുള്ള സൗജന്യ കോച്ചിങ്ങിന് അപേക്ഷ ക്ഷണിച്ചു. പ്രവേശന പരീക്ഷയുടെ അടിസ്ഥാനത്തിൽ പ്രവേശനം ലഭിക്കുന്ന ഉദ്യോഗാർത്ഥികൾക്ക് പരിശീലനം തികച്ചും സൗജന്യമായിരിക്കും .ന്യൂനപക്ഷ വിഭാഗങ്ങളായ മുസ്ലിം ക്രിസ്ത്യൻ,ബുദ്ധ ജൈന പാഴ്‌സി സിഖ് എന്നി വിഭാഗങ്ങൾക്കുമായി സീറ്റുകൾ സംവരണം ചെയ്തിരിക്കുന്നു ആറുമാസക്കാലമാണ് പരിശീലന കാലാവധി ക്ലാസ്സുകൾ രാവിലെ 10 മണി മുതൽ വൈകുന്നേരം 3 30 വരെയാണ് . ജനറൽ ഇംഗ്ലീഷ്, മാത്തമാറ്റിക്‌സ് , മലയാളം ആനുകാലികം, ജനറൽനോളഡ്ജ്, ഐടി , സയൻസ് , ബാങ്കിംങ് , വ്യക്തിത്വ വികസനം തുടങ്ങിയ വിഷയങ്ങളിൽ പ്രഗത്ഭരായ അദ്ധ്യാപകർ ക്ലാസ്സുകൾക്ക് നേതൃത്വം നൽകുന്നു. അപേക്ഷ സമർപ്പിക്കേണ്ട അവസാന തിയതി ഡിസംബർ 20ന് പകൽ 5 മണി വരെ .ഉദ്യോഗാർത്ഥികൾ 18 വയസ്സ് തികഞ്ഞവരും എസ്.എസ്.എൽ.സിയോ ഉയർന്ന യോഗ്യതയോ ഉള്ളവരും ആയിരിക്കണം. വിശദ വിവരങ്ങൾക്ക് 9447512032 എന്ന നമ്പരിൽ ബന്ധപ്പെടുക.