ഇടുക്കി: ജില്ലാ നിയമസേവന അതോറിറ്റിയുടെ ആഭിമുഖ്യത്തിൽ ജില്ലയിലെ വിവിധ കോടതികളിൽ നടന്ന ലോക് അദാലത്തിൽ 4683 കേസുകൾ തീർപ്പാക്കി. കേരള എപ്പിഡെമിക് ഡിസീസസ് ഓർഡിനൻസ് (കെ ഇ ഡി ഒ) പ്രകാരമുള്ള കേസുകൾ ഉൾപ്പെടെ ജില്ലയിലെ മജിസ്ട്രേറ്റ് കോടതികളിൽ കെട്ടിക്കിടന്ന പിഴ ഒടുക്കിത്തീർക്കാവുന്ന 3559 കേസുകൾ, 2,71,08200 രൂപയുടെ 114 എം.എ.സി. റ്റി കേസുകൾ, ബാങ്ക് കേസുകൾ അടക്കമുള്ള വിവിധയിനത്തിൽ പെട്ട 1010 കേസുകൾ എന്നിവയിലൂടെ 15,93,36109 രൂപയുടെ വ്യവഹാരങ്ങൾക്കാണ് തീർപ്പാക്കിയത്. 57,38400 രൂപ പിഴയിനത്തിൽ ഗവൺമെൻ്റിലേക്ക് ഒടുക്കുകയുണ്ടായി. ജില്ലാ ജഡ്ജി പി എസ്.ശശി കുമാർ , ചീഫ് ജുഡീഷ്യൽ മജിസ്ട്രേറ്റ് കെ പി .ജോയി, ജില്ലാ ലീഗൽ സർവീസസ് അതോറിറ്റി സെക്രട്ടറി / സബ്ജഡ്ജ് പി എ.സിറാജുദ്ദീൻ എന്നിവർ അദാലത്തിന് നേതൃത്വം നൽകി. താലൂക്ക് ആസ്ഥാനങ്ങളിലെ അദാലത്തിന് താലൂക്ക് ലീഗൽ സർവീസസ് കമ്മിറ്റി ചെയർമാൻമാർ നേതൃത്വം നൽകി. അദാലത്തിന്റെ ഭാഗമായി ജില്ലയിലെ മജിസ്ട്രേറ്റ് കോടതികളിൽ പിഴയടച്ച് തീർക്കാവുന്ന കേസുകൾക്കായ് സ്പെഷ്യൽ സിറ്റിംഗും ഏർപ്പെടുത്തിയിരുന്നു.