കട്ടപ്പന : അയ്യങ്കാളി തൊഴിലുറപ്പ് പദ്ധതിയിൽ ഉൾപ്പെടുത്തി ക്ഷീരകർഷകർക്ക് വർഷത്തിൽ 100 തൊഴിൽ ദിനങ്ങൾ ലഭിക്കുന്ന പദ്ധതിയുടെ ആദ്യഗഡു വിതരണം നഗരസഭ ചെയർപേഴ്‌സൺ ബീനജോബി ഉദ്ഘാടനം ചെയ്തു.നഗരസഭയുടെ 2021 22 സാമ്പത്തികവർഷത്തിൽ അയ്യങ്കാളി തൊഴിലുറപ്പു പദ്ധതിയിൽ ഉൾപ്പെടുത്തിയാണ് ക്ഷീരകർഷകർക്ക് വർഷത്തിൽ 100 തൊഴിൽ ദിനങ്ങൾ ലഭിക്കുന്ന പദ്ധതി ആവിഷ്‌കരിച്ചത്.വിതരണ ചടങ്ങിൽ ആരോഗ്യ സ്റ്റാൻഡിങ് കമ്മിറ്റി ചെയർപേഴ്‌സൺ ഏലിയാമ്മ കുര്യാക്കോസ് അദ്ധ്യക്ഷത വഹിച്ചു. നഗരസഭാ കൗൺസിലർ സിജു ചക്കുംമൂട്ടിൽ സ്വാഗതം പറഞ്ഞു.കൗൺസിലർമാരായ രാജൻ കലാച്ചിറ,പ്രശാന്ത് രാജു ,ഷാജി കൂത്തോടി, തങ്കച്ചൻ പുരയിടം, ബിനുകേശവൻ, ജെസ്സി ബെന്നി ,ബിന്ദുലതാ രാജു തുടങ്ങിയവർ പ്രസംഗിച്ചു.